掃呢頁CODE去手機

2017年11月9日 星期四

【話一齊旅行變單飛】「未婚夫唔係我」48歲鄭嘉穎疏遠咗陳凱琳? __,凱琳,鄭嘉穎,嘉穎,陳凱琳,

鄭嘉穎今日喺W酒店為新錶發佈會擔任模特兒,本身都有儲錶習慣,佢覺得男士喺唔同場合配戴唔同款式手錶,係展示品味方法,至今已經收藏有廿多隻手錶,而最貴一隻 ...




鄭嘉穎今日喺W酒店為新錶發佈會擔任模特兒,本身都有儲錶習慣,佢覺得男士喺唔同場合配戴唔同款式手錶,係展示品味方法,至今已經收藏有廿多隻手錶,而最貴一隻價值六位數。

之前陳凱琳講過話會同鄭嘉穎去旅行,點知依家得番女方一個人同朋友去。有讀者報料話Grace喺ig透露過想要過新生活,又指最近好少見到佢哋一齊,仲連少咗去嘉穎大坑寓所都知。該讀者稱,即使嘉穎人在香港,同朋友聚會之後,陳凱琳都係直接返屋企,咦……唔通?

今日問番嘉穎發生咩事啦,佢話今次同唔到女友去旅行,係因為要忙埋台慶先,但唔肯講計劃去邊。兩人未成行,陳凱琳就率先去咗日本大阪,呢兩日都有喺Ig post相。

日前陳凱琳喺Ig story爆咗句「我有未婚夫!」問番嘉穎,佢笑言:「係咪我?佢講吓笑啫,希望佢係講笑,因為未婚夫唔係我,都未求婚,係男女朋友關係。」佢指若果有再下一步,係唔需要訂婚,應該係直接結婚,但暫時未有消息,嘉穎仲話:「到有消息會通知大家。」

問佢係咪聽到女友叫老公會更開心,嘉穎話:「只係一個法律儀式,唔表示兩個人嘅關係,結咗婚都可以離婚。」講到同女友關係係咪已經超越一段婚姻,佢笑住:「好好,多謝關心。」

更多娛聞,喺晒《娛果》

http://fb.com/appledailyent





攝影:林嘉銘


陳凱琳IG圖片 陳凱琳IG圖片

鍾意就快D Share啦!