掃呢頁CODE去手機

2017年11月9日 星期四

獨家脫離李澤楷 6年梁洛施同四眼新歡狂啜 33啖 [壹週刊 - 1444] __,李澤楷,梁洛施,M1,

四眼男揸住Isabella隻手又啜又聞,足足嘴咗33啖。娛頭獨家脫離李澤楷6年梁洛施同四眼新歡狂啜33啖○九年,年僅二十歲的梁洛施(Isabella) ...






四眼男揸住 Isabella隻手又啜又聞,足足嘴咗 33啖。

娛頭

獨家脫離李澤楷 6年梁洛施同四眼新歡狂啜 33啖

○九年,年僅二十歲的梁洛施( Isabella)成功得到李澤楷寵幸,為李家誕下骨肉轟動全城。翌年再誕下一對孖仔,可惜關係只維持四年便告吹。童話夢碎, Isabella帶住三子隱居多倫多。曾經是李澤楷的女人,加上湊住三個囝囝,背景特殊的 Isabella,與李澤楷分手六年,甚少被發現身邊有異性,但最近終於有男人敢埋 Isabella身,上月廿八日,本刊直擊 Isabella與一名年約四十歲四眼新歡現身圓方,拍拖睇戲兼消夜直落,兩人更公然在餐廳暗角調情。其間 Isabella主動出擊,伸手摸男友塊面,男方又捉番實佢隻手又錫又聞,臨走時兩人隔住囗罩嚟個 goodbye kiss,四眼男仲啜到合晒眼面都凹埋,表現得好享受!本刊全程直擊整個過程,發現他們短短兩小時, Isabella總共被男友狂啜 33啖。

唔敢張揚

坐擁超過三百四十億身家的李澤楷,自從一一年同 Isabella劃清界線,「楷女郎」排住隊上場,去年被踢爆同一五年港姐季軍、現年二十五歲的郭嘉文密遊日本,女方更瞬間「飛上枝頭」,一炮過以一億買入九龍塘逸瓏天池屋,成為上等人。

雖然 Isabella係過氣「楷女郎」,不過手揸三張王牌(三個囝囝),所以仍然得到小小超無限量照顧,為免得失長期飯票, Isabella都識做將戀情低調處理,約會當日非常小心,先派出兩名保鏢沿路把風,全程的士出入,而且大部分時間都戴住囗罩。

「自從有咗三個仔, Bella基本上大部分時間都俾晒啲仔,就算而家有拖拍,佢都係安頓好啲小朋友等佢哋瞓咗覺,夜晚先出去,咁其實 Richard(李澤楷)都唔會唔俾佢拍拖嘅,只係一切以三個小朋友行先,同埋唔好太高調就得喇。」 Isabella身邊人透露。





同李澤楷分手六年, Isabella最近終於有仔埋身。





睇吓 Isabella呢個冧爆嘅笑容,就知佢幾享受





一杯黑啤兩份飲,交換口水。





玉手俾男友又捽、又嘴、又聞, Isabella都表現得好受落。





臨走時,兩人隔住口罩 goodbye kiss,四眼男肉緊到合晒眼,面都凹埋。

睇戲撐枱腳

試過兩次復出撻 Q, Isabella近年修心養性,全副精神湊仔,難得有愛情滋潤,今年二十九歲的 Isabella回春變到十足十初戀少女,全晚一副含春樣。晚上九點,笠住口罩的 Isabella拖住四眼新歡現身圓方戲院,著住淺藍色連身短裙、孭背囊,打扮極之樸素,而四眼新歡穿着恤衫西褲,手上戴住價值三十三萬一千的 Patek PhilippeNautilus手錶。其間保鏢一直遠距離把風,兩人十指緊扣急步入場。

避免行蹤曝光,散場前十分鐘,兩人提早離場。離開戲院時約十點半,商場內店鋪已關門,見人少少兩人開始放下戒心,大模廝樣拖住手 fing吓 fing吓,久旱的 Isabella仲時不時流露冧爆笑容,就算隔住個口罩都遮擋唔到。





睇完戲趁商場鋪頭已關門,兩人大模廝樣拖住手 fing吓 fing吓。





四眼男手上戴住 Patek Philippe Nautilus手錶,價值 31萬 1千(小圖)。





31萬 1千

肉緊錫手

行到去一間露天西餐廳,二人揀咗室內位坐低,餐廳燈光昏暗,見食客唔多, Isabella使開保鏢後終於除低囗罩。四眼男負責發辦,叫咗薯條同鷄翼,嘢食未到, Isabella同男友先來一輪眼神交流,然後 Isabella主動伸手愛撫男友塊面,男方又乘機捉番住對方隻手,兩人再定格對望,四隻手在四眼男面上肉緊交纏捽來搓去,男方之後再將 Isabella對玉手放在鼻上出力吸索,就算嘢食嚟到,兩個依然唔肯放手,用單手食嘢,真係睇見都戥佢哋攰!





當晚約九點,兩人十指緊扣步入戲院睇戲。





套戲未散場,兩人先行離開,之後在商場搵嘢食。





入餐廳坐低後,兩人開始調情, Isabella主動伸手摸男友塊面。

隔囗罩嘴





差唔多半夜一點, Isabella收到電話走先,仲 call定相熟的士。

食鷄翼食到油淰淰,嘴都未抹的四眼男忍唔住出擊,又捉住 Isabella隻手先捽一輪,將體溫傳到落對方手上,然後再將手放近嘴邊不斷狂錫,連啜幾啖之後又放在鼻上聞,仲要陶醉到流露高潮眼,四眼男這些舉動無嚇親 Isabella之餘,她更表現得好受落,一味對住男友甜笑。之後四眼男再 order兩杯黑啤,自己飲完一啖再遞俾 Isabella,之後你一啖我一啖,交換口水,而且全程他們兩隻手都冇分開過。食到尾聲,四眼男終於肯放低 Isabella隻手,成餐飯 Isabella都冇嘢落肚,只係食了兩條薯條,鬆開手唔夠三分鐘,兩人又再 give me five然後又再十指緊扣。差唔多半夜一點, Isabella收到電話夠鐘要走,呢個時候兩名保鏢又出現 standby,四眼男負責埋單, Isabella就戴番口罩,臨走前又眼定定望住男友,難離難捨之際, Isabella終於要起身走人,兩人嚟個 goodbye kiss,雖然隔住口罩,但四眼男依然好肉緊,啜到面都凹埋,本刊全程直擊整個過程,經過點算後,發現四眼男當晚總共錫了 Isabella三十三啖。

分開走





等 Isabella安全離開,四眼男先上的士鬆人。

離開「安全區」, Isabella馬上進入戒備狀態,急急腳行去附近酒店,仲 call定相熟的士,拿拿臨上車走人,等 Isabella安全離開,四眼男施施然行去另一邊商業大廈截的士,其間保鏢發現記者並通風報信,四眼男見勢色唔對,加快腳步上的士鬆人。

獲准返港

自從同李澤楷分手之後, Isabella三母子長期留在加拿大生活,有工作才會返回香港,今次返香港李澤楷亦知情。

「其實 Bella同 Richard(李澤楷)一直都有緊密聯絡,三個仔啲嘢,佢哋都有商有量, Bella都跟足李家作風去湊仔,好樸素,唔會亂使錢喺佢哋身上,而且教得三個仔好乖, Richard都好放心啲仔交俾佢湊。」梁洛施身邊人說。

眨吓眼已經八歲的大仔李長治,論神情同樣子,都愈大愈似老豆,簡直係「 mini版小小超」,難怪深得阿爺李嘉誠歡心,唔想同三粒孫仔分隔兩地,阿爺下旨要 Isabella母子返港定居,有消息指仲安排三粒孫仔入讀全港最貴的弘立書院。

「其實今年年頭, Bella同對孖仔已經返咗嚟,長治就留喺多倫多讀埋半個學期,六月放暑假先同 Bella媽咪返嚟,啲小朋友都好快適應到香港生活,所以都會留喺度長住,最開心梗係爺爺啦,隨時可以見到啲孫仔。」梁洛施身邊人透露。





Isabella大仔李長治眨吓眼八歲,無論神情同樣子都似足老豆,尤其係棚牙。





同三子隱居加拿大, Isabella經常一拖三,湊仔四圍去玩。





三粒孫仔深得阿爺李嘉誠歡心,每年都下旨要 Isabella帶三粒孫返港敍天倫。





09年 Isabella為李家誕下骨肉,轟動全城,當時更大方公開全家福。





Isabella到台灣拍文藝片《念念》時,被拍得當街扯煙。





14年, Isabella復出同詹瑞文合演舞台劇《快樂勿語》,可惜門票滯銷。

楷女郎

城中超級筍盤李澤楷,向來感情都多姿多采,自 11年與梁洛施分手後,小小超身邊的「楷女郎」更車輪轉咁排住隊上陣。

港姐郭嘉文

去年情人節被爆撻着港姐季軍郭嘉文,女方升呢做楷女郎,即出入有司機接送,坐遊艇出海,更傳獲小小超送一億九龍塘逸瓏豪宅。而郭嘉文解約離開無綫後,專心做跟得女友,二人密遊新加坡,女方更樹熊上身攬住李澤楷撒嬌。

銀行小花「齊蔭女」

15年,被爆與銀行小花「齊蔭女」四個月內外遊三次,更被拍到在名古屋機場攬錫。

中歐混血梁芳

11年 10月,與名媛葉梁美蘭的中歐混血姪女梁芳,在上環日本餐廳撐枱腳,關係曖昧。

梁雯影

11年 5月,李澤楷被拍到與天水圍小花梁雯影現身新加坡機場,男方更主動彎腰為對方拎行李,翌年,有指小小超於上環包一間餐廳,介紹梁雯影給朋友認識。

貝拉的男人

在梁洛施過往男友當中,種類都有唔少,而且當中唔一定係有錢人,又唔需要高大靚仔,年紀成熟男人更是她最愛。

陳輝陽

06年,搭上比她年長 21歲的音樂人陳輝陽,二人大搞忘年戀,更因拍拖心散,失場兼向助手大發脾氣,關係維持近一年,最終激怒英皇,梁洛施被雪藏三個月。

法國俊男

12年,同李澤楷分手後,被網友拍下與一名高大年輕男子結伴同遊法國羅浮宮,相中 Isabella戴粗黑眼鏡,短裙露出一對修長美腿,相當殺食。

加國新歡

半年後,又於加拿大被捕獲與新歡撐枱腳食蠔,二人舉手投足相當有默契。

混血初戀男友

13年,有傳梁洛施翻撻 14歲時澳葡混血初戀男友 Adriano。

張艾嘉兒子王令塵

13年,復出接拍張艾嘉執導電影《念念》,並傳出與張艾嘉兒子王令塵秘戀一年,可惜緋聞無疾而終。

撰文:娛樂組 

攝影:陳亦龍、吳斯金、李玄、楊紫、蕭敬漁


鍾意就快D Share啦!