掃呢頁CODE去手機

2017年11月19日 星期日

【頭髮金金哋】周杰倫混血B仔曝光 眼仔睩睩嘴巴最似Daddy __,周杰倫,

38歲台灣歌手周杰倫(周董)與24歲嫩妻昆凌結婚3年,育有2歲囡囡小周周(Hathaway)及5個月大嘅囝囝Romeo,昆凌間中都會喺網上貼仔女相,但 ...




38歲台灣歌手周杰倫(周董)與24歲嫩妻昆凌結婚3年,育有2歲囡囡小周周(Hathaway)及5個月大嘅囝囝Romeo,昆凌間中都會喺網上貼仔女相,但每次都好有技巧咁,影到唔見樣。

前日台灣《蘋果日報》就喺周董豪宅門外,遇見剪咗一頭清新短髮嘅昆凌帶埋仔仔出街。當日下午,全身黑色打扮嘅昆凌揸住一架紅色Range Rover返屋企,未幾又再出門,今次仲帶埋囝囝Romeo一齊外出。昆凌原本戴住頭箍,返家後換咗一頂cap帽,而囝囝就一直由保姆抱住上車。

昆凌係中澳混血兒,所以周董嘅BB都係有少少mix,一對仔女頭髮都似足媽咪有少少金金地。當日Romeo着住一件紅色紅黑橫間T恤,皮膚同媽咪一樣咁嫩白,個樣就同爸爸餅印一樣,尤其眉毛同嘴巴似十足,而眼睛就比爸爸大一點點。Romeo全程好乖,趴喺保姆肩上,肥嘟嘟,仲會好奇四處張望,十分可愛。而昆凌就好細心,安頓好囝囝後,先再返回司機位。



更多娛聞,喺晒《娛果》

http://fb.com/appledailyent

周杰倫囝囝同爸爸餅印一樣,圓碌碌非常可愛。(圖片提供﹕台灣《蘋果日報》) 昆凌負責揸車,5個月大囝囝就由保姆抱住。(圖片提供﹕台灣《蘋果日報》) Romeo好精靈,有得出街梗係周圍望啦。(圖片提供﹕台灣《蘋果日報》)
(圖片提供﹕台灣《蘋果日報》) (圖片提供﹕台灣《蘋果日報》) 昆凌最初戴住頭箍返屋企,未幾再帶埋囝囝出門。(圖片提供﹕台灣《蘋果日報》)
周杰倫經常要工作,湊小朋友就主要由媽咪昆凌負責。(資料圖片) 一對仔女都遺傳媽咪嘅金髮。(網絡圖片)

鍾意就快D Share啦!