熱爆娛樂: 【嘉倩BB封盤】駱文捷升呢做總督察太太蔡雪瑩奉子嫁上市公司太子爺 _

2017年11月6日星期一

【嘉倩BB封盤】駱文捷升呢做總督察太太蔡雪瑩奉子嫁上市公司太子爺 __,蔡雪瑩,駱文捷,

剛剛離開大台嘅陳嘉倩，好多毒男以為可以去另一啲平台見到嘉倩BB之際，以解單思之苦。但轉頭另一個「噩耗」又嚟，就係嘉倩BB封盤啦，全港毒男同聲一哭！不經不覺，那些年宅男們追過的女主播，原來大部份已有另一半了。

駱文捷(April)

今年7月離開大台主播行列嘅April，當時佢話轉職做市場推廣及公關。其實今年對於April嚟講，除咗喺事業上有所轉變，原來感情上亦有所改變，4月佢已經榮升咗做鄧師奶，同任職警務人員、姓鄧嘅總督察拉埋天窗。(新聞連結：http://bit.ly/2yv9CNb )

陳珍妮

「烈女」陳珍妮離開大台後，15年出過一本《TVB新聞部血淚史》大爆大台新聞部各種鮮為人知嘅事，當時都引來一陣迴響㗎！今年7月，陳珍妮喺Instagram post咗一張左手中指戴住大大粒鑽石戒指嘅相，仲留言：「點會有人求婚前後瞓覺？！就是他了。落機無耐，攰到喊又送花又飲酒然後醉到瞓着，開場白1999好彩重記得單膝下跪。其他港女拍枱走咗啦，見係你，又響（喺）巴黎，應承你啦。」但而陳珍妮一直未有公開男友面貌，據知佢男友都係從事傳媒工作。( 新聞連結：http://bit.ly/2h6r1AG )

周嘉儀

曾被指介入許方輝及陳佩琳婚姻嘅周嘉儀，去年1月被《蘋果》讀者爆相爆片，影到佢同經民聯立法會議員、全國政協林健鋒嘅公子林凱章（Victor）喺台北拍拖拖，女神都正式封盤，當時相信都有唔少毒男傷心。( 新聞連結：http://bit.ly/2h6S8f2 )

蔡雪瑩

雪瑩BB喺14年離開大台之後佢先喺去做公關行業，之後曾幫ViuTV拍攝旅遊節目。去年4月，陀住B仔嫁俾全國政協朱銘泉兒子、上市公司太子爺朱威霖（William），囝囝Wesley今個月18日就1歲喇( 新聞連結：http://bit.ly/2AmIu0m )！雪瑩BB o依家就專心相夫教子，做朱家少奶奶囉！

更多娛聞，喺晒《娛果》

http://fb.com/appledailyent

昔日主播，好多都已經封盤。(資料圖片)	駱文捷今年七月離開大台。(資料圖片)	(資料圖片)
今年四月佢同任職警務人員、姓鄧嘅總督察拉埋天窗。(資料圖片)	(資料圖片)	陳珍妮(資料圖片)
陳珍妮15年出過一本《TVB新聞部血淚史》大爆大台新聞部各種鮮為人知嘅事。(資料圖片)	(資料圖片)	今年7月，陳珍妮喺 ig post咗男友求婚成功嘅戒指。(資料圖片)
周嘉儀(資料圖片)	(資料圖片)	去年一月被《蘋果》讀者爆相爆片，影到佢同經民聯立法會議員、全國政協林健鋒嘅公子林凱章（Victor）喺台北拍拖拖。(資料圖片)
蔡雪瑩(資料圖片)	蔡雪瑩離開大台後，去咗ViuTV拍攝旅遊節目。(資料圖片)	去年4月結婚。(資料圖片)
囝囝都已經一歲多喇！(資料圖片)