掃呢頁CODE去手機

2017年11月11日 星期六

鍾嘉欣激讚舊愛伍允龍歌藝:似張學友! __,學友,鍾嘉欣,嘉欣,伍允龍,張學友,

有冇咁好聽?!藝人鍾嘉欣(Linda)到尖沙咀出席活動,並獻唱《陪着你走》及《花花宇宙》,又與Fans玩遊戲,並一嘗Fans製作的甜品。Linda表示 ...


有冇咁好聽?!


藝人鍾嘉欣(Linda)到尖沙咀出席活動,並獻唱《陪着你走》及《花花宇宙》,又與Fans玩遊戲,並一嘗Fans製作的甜品。

Linda表示此行專誠返港,她說:「今次由溫哥華返嚟,會留兩日,冇時間同班姊妹聚會。(返嚟同TVB傾續約?)一路都有傾,我嘅約下個月完,但因為我唔喺香港生活,所以要有自由度同穩定性,都有其他公司搵過我,但合作會以TVB優先。(遲遲未續約,為咗遷就再生B?)係有諗過,我哋已經組織咗個家庭,都希望家庭愈來愈大,但BB係上天禮物,唔係話想有就有!」提到好姊妹王君馨日前買性感內衣,想誘惑老公生B,Linda說:「嘩,咁誘惑!(你會傳授生B心得?)我哋姊妹之間係無所不談,但呢啲太私人,唔方便喺呢度講畀大家聽!」

對於舊愛伍允龍在廟街拍劇,被街坊投訴,Linda說:「我以前喺廠拍劇,試過要我唱得好難聽。(點評價佢嘅真實歌藝?)我有同佢唱過K,佢好犀利,好似張學友!我依家做咗媽媽,就少咗唱K,但唔好睇小我哋TVB藝人,我哋個個都好犀利!除咗拍劇,唱歌都好厲害!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!