2017年11月6日 星期一

撼鋼櫈毀容!迪子成身血唔敢通知阿媽 __,

唉,慘慘豬!歌手迪子10月底與一名女性朋友到韓國旅遊,沒料到行程第一天竟在餐廳跌到,撼向300磅重的鋼櫈,不但撞甩門牙及撞瘀手腳,嘴部更嚴重受傷,足足 ...


唉,慘慘豬!


歌手迪子10月底與一名女性朋友到韓國旅遊,沒料到行程第一天竟在餐廳跌到,撼向300磅重的鋼櫈,不但撞甩門牙及撞瘀手腳,嘴部更嚴重受傷,足足縫了23針。為了不令傷口惡化,迪子盡量忍住不哭,但重提意外時得到不少人協助,她接受東網訪問時,終於忍不住邊哭邊說:「我朋友都受咗傷,因為我隻手畀張櫈壓住,佢見到我成身、成地都係血,就幫我移開張櫈。我都唔知點解佢可以移得開,但之後張櫈就壓住咗佢隻手指,依家要打石膏。」迪子透露兩人本來打算落機後休息一下,吃點東西就返回民宿,但卻發生意外,迪子的手部一度不能移動:「好擔心以後彈唔到琴,可能生活都有問題。發生意外嗰一刻我都希望我只係發緊夢,太驚喇,唔想呢件事係真。」

31號騷要取消

由於言語不通,身旁的人初時不知如何處理,救護車到場後,迪子就請朋友代她與醫護人員溝通:「我上到白車,只可以用有限嘅力,用手指去撳WhatsApp。我31號個騷要取消,我叫細佬幫我通知其他人,佢都唔知發生咩事,我淨係講我成身都係血,要入醫院。同埋嗰時我都唔知自己有邊度傷,淨係知我成面都係血,兩隻手都郁唔到,個口不斷流血。」她強調不想媽媽擔心,希望待樣子回復九成才通知對方,又估計對方應該不會看娛樂版。

牙都崩埋

縫了23針的迪子坦言假若即時回港,香港的醫生未必可以順利幫她拆線,因此她延長留在當地的時間,在31日拆了線才回港:「我好多謝韓國嘅醫護人員,雖然聽唔明大家講乜,佢哋都好盡力幫我哋。佢哋第一時間除咗幫我止血,仲幫我執番晒啲牙。我兩隻門牙係原隻飛出嚟,好好彩根部冇斷到,同埋我哋好快入到醫院做手術,神經壞死之前救得番兩隻門牙,可能之後要做杜牙根,同埋有機會做牙套。其他啲牙就睇情況,可能要種牙,有啲崩晒,做番牙套就冇乜問題。」

迪子指當地醫生知道她做幕前,都盡力幫她治療面部:「縫咗23針之後,我個嘴太腫,連水都飲唔到,唔可以擘大口畀佢哋睇。我連續3日都有返醫院,打咗好多麻醉藥,唔可以再做更多嘢,要等拆咗線先慢慢處理牙齒。」由於拆線後的她主要只有牙齒問題,沒必要住院,因此意外保險所賠償的並不多:「我自己都諗緊辦法,但一定會整番好,嚟緊仲有好多工作。」另外,朋友因工作及受傷關係較早回港,迪子很多謝照顧她的民宿女員工及老闆:「喺韓國整牙同拆線好平,就算唔係當地人都咁平,但返醫院洗傷口就好貴,嗰幾日都係靠呢個女仔同我洗傷口同照顧我,好多謝佢哋畀咗好多支持我。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...