掃呢頁CODE去手機

2017年11月4日 星期六

【獨家有片】等咗一年...熊黛林懷孕三個月 肚凸凸睇育嬰書 __,熊黛林,

恭喜恭喜!恭喜Lynn熊黛林,終於中頭獎!頭獎就係——造人成功喇!《蘋果》獨家消息,話Lynn有咗三個月!Lynn喺去年10月同郭可盈胞弟、家族坐擁百 ...




恭喜恭喜!恭喜Lynn熊黛林,終於中頭獎!

頭獎就係——造人成功喇!《蘋果》獨家消息,話Lynn有咗三個月!Lynn喺去年10月同郭可盈胞弟、家族坐擁百億資產嘅郭可頌結婚,更揚言雞年會努力造人。Lynn婚後明顯減少工作,專心調理身體,今年2月,《蘋果》讀者曾經影到Lynn去上環,有「婦科聖手」之稱嘅中醫劉逢吉睇醫調理身體,直到最近終於有好消息。(相關新聞﹕

http://bit.ly/2zhvYRC)

前日中午二點幾,Lynn一個人現身太古城誠品,見Lynn腳踏平低波鞋,穿上黑色衫同黑色裙,腹部微微隆起。見Lynn專攻育嬰書,由於佢生得高,而書本位置較低,但佢似乎唔敢動作太大,只係好小心咁半蹲式咁望一望下層嘅書,但好快就企番起身。Lynn喺書店內逗留約半小時,之後再逛其他商店,見佢步履輕鬆,逛咗一陣就走人。

上星期,Lynn更慶祝同老公結婚一周年大日子,兩公婆用繩互綁對方作狀咀嘴,Lynn留言:「就這樣把你牢牢地綁在我身邊,一周年快樂。」相信兩口子好快就會有「我們仨」嘅幸福家庭照,繼續放閃。

更多娛聞,喺晒《娛果》

http://fb.com/appledailyent

《蘋果》獨家消息,Lynn有咗三個月! (讀者提供圖片) Lynn腳踏平低波鞋(讀者提供圖片)
(讀者提供圖片) (讀者提供圖片) Lynn似乎唔敢動作太大(讀者提供圖片)

鍾意就快D Share啦!