掃呢頁CODE去手機

2017年11月21日 星期二

【拿督個女】有指一千二百萬被包養 莊思敏:我懷疑佢哋唔知我底細 __,莊思敏,

胡敏珊、祥嫂、湯寶如、李蕙敏、錢國偉、肥媽、莊思敏、余安安等今晚喺中環出席「巴黎之夜派對」,講到今次呢個派對,胡敏珊就話因為投資7位數字搞呢個護膚品牌 ...




胡敏珊、祥嫂、湯寶如、李蕙敏、錢國偉、肥媽、莊思敏、余安安等今晚喺中環出席「巴黎之夜派對」,講到今次呢個派對,胡敏珊就話因為投資7位數字搞呢個護膚品牌,之後仲會加碼兼進軍大陸市場,佢話:「我代理咗呢個品牌,籌備咗年幾,好緊張,好開心,可以同大百貨公司合作,我哋顧客目標係30至70歲,其實好多廿幾歲都要自拍,後生都要抗衰老,都想自己靚。」胡敏珊話有贊助祥嫂,之前同佢食飯,佢好鍾意我呢個品牌,就送俾佢做生日禮物。

日前有指莊思敏以1200萬被包養,今日佢亦有現身活動,回應事件:「覺得好好笑,好多朋友send俾我,第一時間收到好嬲,其實大家知,唔會相信我有呢個價錢。」咁有冇人開價佢話:「收過人問價,有人inbox問過,有人俾200萬,幾十萬,1200萬真係第一次聽,我懷疑嗰個人周圍send俾人,未必係淫媒,反而覺得係騙子。」咁有冇心動過先?莊思敏斬釘切鐵咁話:「諗到唔好諗,唔會發生嘅事,無必要為錢出賣自己,依家努力工作搵到錢。」留意番!其實莊思敏係拿督個女,都係有錢女來架,佢話:「我懷疑佢哋唔知我底細囉!」

今晚亦有到場嘅余安安,就表示做完舞台劇,o依家要休息下享受生活,不過屋企依家多咗好多成員,佢話:「細女美國返來,大家都獨居多年,都要時間適應下,互相適應,屋企又多咗成員,女婿同細女,大女結婚兩年,佢哋有計劃,享受咗二人世界,女婿又鍾意小朋友。」

攝影:葉君海 胡敏珊話因為投資7位數字搞護膚品牌而搞呢個派對。 祥嫂都有現身支持。
湯寶如、張學潤。 錢國偉、肥媽。 莊思敏講到日前有指以1200萬被包養事件。
余安安就表示做完舞台劇,o依家要休息下享受生活。


鍾意就快D Share啦!