熱爆娛樂: 【爸爸基因太強】仔女化身萌爆小蜜鋒陳茵媺﹕邊隻最甜？ _

2017年11月3日星期五

【爸爸基因太強】仔女化身萌爆小蜜鋒陳茵媺﹕邊隻最甜？ __,茵媺,陳茵媺,

(新增回應)

陳茵媺（Aimee）同陳豪（Moses）婚後三年抱三，大仔Aiden就快4歲，加埋2歲半細仔Nathan同1歲半囡囡Camilla，一家五口真係今人好羨慕。

Aimee為咗小朋友，決定減產；而孭起成頭家嘅陳豪亦續約無綫，目的都係想留多啲時間喺香港陪小朋友。早前萬聖節，Aimee都有幫三位小朋友扮成小蜜蜂應節，Aimee今日喺社交網留言﹕「1.2.3。哪隻小蜜蜂最甜？」照片中，見三個仔女着上黃黑橫條衫兼頭戴觸角，當中以細女Camilla最搶鏡，面珠肥嘟嘟，好得意，二哥Nathan就有啲怕羞，大哥Aiden就企正中間，好帥氣。網民紛紛驚嘆呢三兄妹大得好快，覺得爸爸基因太強，留言﹕「All look like as daddy~(全部個樣似足爸爸)。」

陳豪今日喺會展出席節目巡禮時，話唔介意太太將三個仔女嘅正面照曝光，佢話﹕「冇所謂，我哋比較Open。」陳豪透露稍後會拍劇，而太太就傾緊電影同廣告，佢話﹕「好彩喺香港拍劇，o依家都計劃緊請假，同屋企人一齊過聖誕。」

更多娛聞，喺晒《娛果》

http://fb.com/appledailyent

陳豪同陳茵媺一家五口真係好幸福。(網絡圖)	(左起)陳豪同茵媺嘅三個小朋友，(左起)二子Nathan、大仔Aiden同細女Camilla。(網絡圖片)	有網民覺得三個仔女都好似陳豪。(網絡截圖)
陳茵媺湊小朋友唔鐘意假手於人，事事親力親為。