2017年11月24日 星期五

譚炳文感激六嬸賞識 __,六嬸,譚炳文,方逸華,

譚炳文、鄭國江、李龍基、邵音音和大AL等一班前輩,昨日到尖沙嘴出席「音樂過來人唱遊金曲50年暨音樂過來人協會成立酒會儀式」,他們望來年舉辦音樂會為協會 ...


譚炳文、鄭國江、李龍基、邵音音和大AL等一班前輩,昨日到尖沙嘴出席「音樂過來人唱遊金曲50年暨音樂過來人協會成立酒會儀式」,他們望來年舉辦音樂會為協會籌款。炳哥自稱有幾百首作品:「不過好多我都唔記得晒啦,記得嘅淨係得十首八首,到時演出嘅話都會上台唱幾首。」

炳哥對方逸華離世消息感惋惜:「佢係演藝界嘅巨人,以前邵氏嘅電影佢搵我配好多音,方小姐好賞識我,後來喺TVB亦對我好好。」而老拍檔李香琴近況,炳哥就表示久未聯絡,故不清楚。

另外,近年多為粵曲寫詞的鄭國江老師,表示為流行曲填詞機會不大:「大家都唔同年代始終有代溝,𠵱家年輕人講嗰啲潮語我都唔明,個個都話『貼地』,但我哋以前只會形容為衰到貼地。」



■夏雨前晚出席活動時,緬懷當年曾為六嬸伴舞。

夏雨前晚也緬懷六叔六嬸是「衣食父母」:「當年我仲喺訓練班,幫過方小姐伴舞,之後佢都做咗TVB事頭婆好耐。佢事事親力親為,喺六叔背後做咗好多嘢。」

採訪:曹家誠、卓寶花

攝影:陳俊強




鍾意就快D Share啦!
Related Posts Plugin for WordPress, Blogger...