「蝦仔嗲哋」將於今晚重現！！！
藝人賈思樂，戚美珍及林建明等於電視城參與《綜藝精彩50年 我愛EYT》拜神活動，當年大受歡迎的EYT環節「蝦仔嗲哋」將於今晚重現，飾演「蝦仔」的賈思樂，「阿珍」戚美珍，「大白鯊」林建明亦會粉墨登場，再一次在螢幕上演短劇！原定出席儀式的曾志偉，公關臨時通知指他不會出席，但他在切燒豬後趕到現場，更被歷代在EYT跳舞的舞蹈藝員捉實影相。「矇豬眼」盧海鵬及後亦到場，與「蝦仔嗲哋」一眾演員影大合照。
戚美珍瞓唔着
賈思樂，戚美珍及林建明指將會有90位歷代的舞蹈藝員齊齊演出，是歷年來最多舞蹈藝員一齊演出的綜藝節目，賈思樂就指當年飾演「蝦孫」的小朋友崔士曦，今年已31歲，十分高大，目前在內地教英文，今晚亦會到場，更笑指早前見對方，完全認不出！三人被問是否今晚將重演唱劇？戚美珍說：「我哋會做，尋晚瞓唔着，好興奮！成30年冇做EYT」
林建明寸盧海鵬
至於有否為短劇綵排？林建明表示有，因要認真表演，不過賈思樂就笑指綵排的內容可能與演出完全不同，林建明望望手錶說：「呢個時候應該要排㗎喇，但啲巨星未到！（暗指盧海鵬），好多人都未見！」
唔再驚盧海鵬搞搞震
被問到可會擔心盧海鵬臨場爆肚會招架不住？林建明就笑指：「唔怕，佢依家好惡㗎，但我無視佢！」戚美珍則說：「慣咗㗎喇，以前就會怕，因為接唔到怕要見監製畀人鬧。」林建明笑指賈思樂應擔心再被盧海鵬搞亂頭髮，賈思樂就笑指：「所以我今日戴帽囉！佢再搞我個頭唔知畀咩反應佢㗎！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
