掃呢頁CODE去手機

2017年11月4日 星期六

王君馨谷爆警鐘硬撼張秀文 __,張秀文,王君馨,君馨,

人妻王君馨中門大開,自言似「女版Rambo」。
王君馨谷爆警鐘硬撼張秀文無綫節目巡禮昨晚舉行,一眾女星「胸」湧而出,繼有張秀文、馮盈盈、李施嬅、沈卓盈等,當中高海寧(高Ling)更真空上陣,就連人妻 ...


王君馨谷爆警鐘硬撼張秀文

無綫節目巡禮昨晚舉行,一眾女星「胸」湧而出,繼有張秀文、馮盈盈、李施嬅、沈卓盈等,當中高海寧(高Ling)更真空上陣,就連人妻岑麗香也來個大解放,不過卻不及以「女版Rambo」、中門大開谷出警鐘胸的王君馨(Grace)進擊,而早前到內地拍劇的「咪神」張秀文宣布回歸即場(抓)撈!

《TVB金禧晚宴暨2018節目巡禮》昨晚於灣仔會展舉行,逾二百藝員傾巢而出,由曾志偉、汪明荃率領進場。眾人落足嘴頭介紹無綫來年新節目,劇集方面以尚未開拍的「2018鉅製」《十兄弟》及《鐵探》最為養眼,其他劇集則有《再創世紀》、《宮心計2深宮計》、《大帥哥》、《天命》、《兄弟》等。而非戲劇節目方面,就有《嫁到這世界邊端2》、《阿爺廚房2018》,至於《香港先生選舉》亦預告將會復辦。

一眾女星除了Sell劇集及節目外,亦不放過機會盡騷身材,更紛紛賣大包行性感,當中以人妻Grace最為搶「峰」頭!以黑色開胸連身裙谷出警鐘胸的她,指對該裙一見鍾情,但卻不知如此性感:「呢期都Fit咗,着上身有少少女Rambo咁,啲飾物一棟棟好似子彈,老公冇睇過,相信佢都會好鍾意,呢期一齊做Gym Fit咗好多。(操弗準備生B?)唔係,之後有場泳衣戲要拍,所以想Fit啲,腹肌都仲要操吓。」

視后定欣密實示人,笑言有自知之明。
  • 視后定欣密實示人,笑言有自知之明。
陳展鵬與緋聞女友單文柔大方合照。
  • 陳展鵬與緋聞女友單文柔大方合照。
李施嬅、姚子羚、陳山聰及黃智雯盛裝出席。
  • 李施嬅、姚子羚、陳山聰及黃智雯盛裝出席。

胡定欣密實讓賽

至於一班小花張秀文、李施嬅、馮盈盈、沈卓盈亦大晒「胸」器,以紫色晚裝晒半球的秀文最為養眼,更即場(抓)撈說:「拍完《同盟》後返內地拍戲,所以公司嘅人以為我離開咗!我喺度呼籲我未走,仲有好長約!」而李施嬅以Deep V裙上陣與打扮密實的好姊妹兼視后胡定欣齊齊亮相,定欣自言有自知之明,身材未及一眾姊妹,施嬅則自言不算性感:「冇乜嘢呀,唔係刻意。(安全?)講落又有啲驚,但都安全嘅!」

朱智賢在社交網晒「胸」器!
  • 朱智賢在社交網晒「胸」器!
真空上陣的高Ling黐晒膠紙,唔敢郁。
  • 真空上陣的高Ling黐晒膠紙,唔敢郁。
拍畢內地電影的「咪神」張秀文,宣布回歸!
  • 拍畢內地電影的「咪神」張秀文,宣布回歸!

高Ling真空唔敢郁

穿上西裝褸配長褲的高Ling就真空打扮示人,笑指性感只是錯覺:「着西裝褸。(真空?)係呀,但黐晒膠紙好安全,不過都唔係好郁得,有啲緊張,頭先叉腰影嘅,都驚走光。」至於「A4 Size」身形的陳凱琳,為免與其他女星正面交「峰」,惟有轉移視線以高衩裙晒誘人長腿。

朱晨麗在劇集《特技人》中倒奶示人。
  • 朱晨麗在劇集《特技人》中倒奶示人。
莊思明與王君馨在劇集《是咁的,法官閣下》激咀。
  • 莊思明與王君馨在劇集《是咁的,法官閣下》激咀。
「少婦聯盟」各展美態。
  • 「少婦聯盟」各展美態。

此外,現場亦播放來年劇集精彩片段,當中有《是咁的,法官閣下》中莊思明與王君馨的咀嘴戲,及《特技人》中朱晨麗的低胸Bra Top裝,相當養眼。

文:影視組






鍾意就快D Share啦!