2017年11月29日 星期三

【獨家】戴志偉行街勁搵嘢 被老婆鬧:乜你咁論盡! __,志偉,曾志偉,

曾經係大台「御用奸角」嘅戴志偉,早年離開大台轉投保險業發展,雖然佢以前喺鏡頭前係個壞男人,但內心其實係「愛妻號」,有時間會陪老婆行超市。好似日前下午5 ...




曾經係大台「御用奸角」嘅戴志偉,早年離開大台轉投保險業發展,雖然佢以前喺鏡頭前係個壞男人,但內心其實係「愛妻號」,有時間會陪老婆行超市。好似日前下午5點半左右,《蘋果》記者就見佢陪老婆喺圓方商場出現,佢兩公婆喺戲院行去超市方向,似乎啱啱買咗飛睇戲,而戴志偉先去洗手間方便,佢老婆就去超市買嘢。

見佢太太專揀生果同蔬菜,揀咗好耐,而大慨15分鐘後戴志偉去超市同太太會合,佢太太依然係揀緊生果。不過,戴志偉似乎對生果同蔬菜冇乜興趣,想睇肉類同海鮮,但佢老婆就完全冇興趣,繼續揀生果,戴志偉惟有喺隔離陪住老婆,期間見佢不時望住啲肉類,似乎心思思想買,但老婆大人冇興趣,戴志偉一度表現都好冇癮咁款。

揀完生果後,戴志偉老婆俾錢,俾完錢之後,戴志偉唔知係唔見咗張車飛定八達通,見佢咁猛喺身上邊搵,搵咗一輪都唔見,佢老婆就好無奈咁話:「乜你咁論盡㗎!」戴志偉就好無奈咁話:「一時手忙腳亂啫。」戴志偉老婆「哦」咗老公一輪後,兩公婆就行咗去商場禮賓處尋求幫助。

《蘋果》事後打過俾戴志偉,問佢當日究竟唔見車票定八達通,但戴志偉就話:「唔講呢啲啦,忙緊。」然後就匆匆收線。

更多娛聞,喺晒《娛果》

http://fb.com/appledailyent

(採訪、攝影:徐錦池) 太太專揀生果同蔬菜



戴志偉喺隔離陪住老婆


鍾意就快D Share啦!
Related Posts Plugin for WordPress, Blogger...