2017年11月29日 星期三

【獨家有片】搬新竇換保鏢班底 熱戀梁洛施甩李澤楷監控 __,李澤楷,梁洛施,

同李澤楷分手六年,上月梁洛施(Isabella)被本刊踢爆密會一名年約四十歲的四眼男,兩人公然在餐廳暗角調情。終於有仔敢埋身,重新出發的Isabell ...




同李澤楷分手六年,上月梁洛施(Isabella)被本刊踢爆密會一名年約四十歲的四眼男,兩人公然在餐廳暗角調情。終於有仔敢埋身,重新出發的Isabella,諗計甩李澤楷監控。

湊住李嘉誠三粒男孫的她,一直得到李家無限量照顧。今年初獲准帶三子返港定居,李澤楷更為四母子安排保鏢、坐駕,兼入住數碼港豪宅。但有新歡後,Isabella不想身邊有李家探子,拒絕小小超「好意」,十月換掉李家保鏢班底,更同三子秘密搬離數碼港,另覓豪竇過新生活。

【帶三子返港定居】

在芸芸「楷女郎」當中,只有Isabella成功為李家留下血脈。○九年,年僅廿二歲的Isabella,為李澤楷誕下大仔李長治,翌年再添一對孖仔H&N,可惜二人關係維持四年便玩完。同豪門擦身而過,Isabella一度同三子定居多倫多。

眨吓眼大仔長治已經八歲,同李澤楷餅印一樣;兩個弟弟則一個似李澤楷,一個如「迷你李嘉誠」,三粒孫都深得爺爺歡心。阿爺掛孫心切,以往一年最少下旨兩次,要Isabella帶三粒孫返港敍天倫。直至今年初,李澤楷終於決定接Isabella母子返港。

「今年年頭Bella已經湊咗孖仔返嚟,長治就留喺多倫多讀多一個學期,六月先同婆婆一齊返。三個小朋友都好適應香港生活,同埋已經返緊學,短期內都唔會返過去喇!」Isabella身邊人透露。

【不想被掌握行蹤】

返港後李澤楷安排四母子入住位於數碼港豪宅,出入都有司機接送,又有李氏保鏢團隊跟身。但已有新歡的Isabella,不想長期被對方掌握行蹤,早前已搬屋兼換新保鏢班底,本刊發現上月四母子身伴已有新保鏢團隊登場。

「依家有拖拍,Bella唔想Richard放咁多人喺佢身邊,平時如果唔係湊住啲仔,Bella盡量都唔坐李家啲車,寧願坐的士。」知情人續說。

相關新聞:

【拍拖湊仔兩個樣】 陪孖仔公園餵蚊 Isabella 勁唔耐煩

http://bit.ly/2iZ9ZWO

李氏後人學節儉 Isabella拖孖仔幫襯老麥好貼地

http://bit.ly/2idBK0H

全天候保護 李嘉誠七孫容貌罕有曝光

http://bit.ly/2AbsD7a
3月,舊保鏢班底
10月,保鏢已換班

鍾意就快D Share啦!
Related Posts Plugin for WordPress, Blogger...