掃呢頁CODE去手機

2017年11月23日 星期四

暫停無綫工作!張繼聰拖謝安琪遊車河 __,繼聰,無綫,謝安琪,張繼聰,

張繼聰承認將會暫停無綫工作後,啱啱拖埋太太謝安琪遊完車河返屋企。藝人張繼聰近年拍電視劇成功入屋,參演無綫劇集一部接一部,不過無綫早前就表示因為官司問題 ...


張繼聰承認將會暫停無綫工作後,啱啱拖埋太太謝安琪遊完車河返屋企。


藝人張繼聰近年拍電視劇成功入屋,參演無綫劇集一部接一部,不過無綫早前就表示因為官司問題,會暫時停止蕭定一旗下藝人嘅宣傳,變相阿聰亦成為被封殺對象。

今日阿聰亦喺社交網上載一段影片交代被封殺一事:「大家好!咁今日出咗單新聞之後,好多謝大家嘅支持,咁可能嚟緊有一段時間唔可以再喺將(軍)澳出現…」雖然暫時唔可以同一班電視觀眾見面,不過阿聰仍然稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐(曾勵珍)。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。

阿聰感謝觀眾支持

原訂明天(23日)要出席劇集《誇世代》宣傳活動,現因官司問題被禁止現身。阿聰話會繼續努力磨練自己嘅演技,雖然冇得出席無綫劇集《誇世代》嘅宣傳活動,不過佢都依然叫一班觀眾繼續支持:「至於現在呢……希望大家可以繼續支持《誇世代》啦,我都好enjoy睇每一集嘅。」佢仲話:「喺生活裏面,我覺得最緊要係隨遇而安,我會繼續努力㗎!Thank You。」

傍晚,記者在阿聰位於大埔家樓下守候,見到阿聰與老婆謝安琪(Kay)拍拖後揸車回家。素顏示人的Kay比之前清減了一點,雖然兩人未有下車或打開車窗,但仍大方向鏡頭微笑揮手,表現友善!


來源 source: http://hk.on.cc
鍾意就快D Share啦!