2017年11月6日 星期一

【大陸有二奶?】王力宏成都出騷 女歌迷大喊:你算甚麼男人,七年了 __,王力宏,力宏,中國,大陸,

王力宏喺2013年同王靚蕾(原名李靚蕾,婚後改為王靚蕾),分別喺2014年同去年,誕下囡囡嘉莉同嘉娜,一家四口過着幸福嘅生活。但係王力宏原來喺大陸原來 ...




王力宏喺2013年同王靚蕾(原名李靚蕾,婚後改為王靚蕾),分別喺2014年同去年,誕下囡囡嘉莉同嘉娜,一家四口過着幸福嘅生活。但係王力宏原來喺大陸原來有個「王太太」㗎!

吓,唔係嘛,王力宏出軌?大家放心,王力宏喺大陸並唔係有真嘅王太,只係有一個高姓女子纏擾咗王力宏幾年啫。

噚日,王力宏去成都出席活動,當佢抵達機場時,就有一位高姓大媽企定喺閘口等王力宏出閘,當佢見「男友」王力宏,佢就大叫:「王力宏你算甚麼男人,七年了」,佢就一直喺咁咆哮,而王力宏仍然保持笑容,未有理會到呢位「王太」高女士。

反而王力宏身邊嘅保鑣大為緊張,上前攔住高大媽,王力宏一啲都冇怯,繼續同接佢機嘅歌迷影相,邊行邊影相,順便送王力宏去上車,但沿途啲歌迷就話:「保護二哥!」

其實呢位「王太」高女士係咩人呢,有大陸網民就留言:「精神不太正常吧,幻想自己是王力宏的女友,上次王力宏出席活動,用礦泉水瓶投擲王力宏的也是她,在王力宏的粉絲圈裡名聲很臭」、「這粉絲騷擾王力宏許多年了,幻想自己和王力宏結過婚…… 」、「幻想自己嫁給王力宏……跟著她你就能隨意…見到王力宏」。

網民所講嘅礦泉水掟向王力宏,原來係喺去年發生,當時王力宏喺南京出席商演時,呢位癡心歌迷高女士,喺王力宏未開口唱歌嗰陣,就一支礦泉水就猛烈掟過去,正中王力宏嘅腹部,王力宏瞬間揞住肚,露出痛苦表情。

更多娛聞,喺晒《娛果》

http://fb.com/appledailyent

王力宏噚日喺成都機場,又遇到以為自己係「王太」嘅高姓女士。(互聯網圖片) 去年南京高女士用礦泉水樣掟向台上嘅王力宏。(資料圖片) (資料圖片)
(資料圖片)

鍾意就快D Share啦!
Related Posts Plugin for WordPress, Blogger...