2017年11月26日 星期日

老婆唔鍾意運動 胡諾言:返到屋企都冇咩好講 __,胡諾言,

胡諾言、楊卓娜、楊鎧凝前晚喺灣仔香港演藝學院出席《聽你聽我弦動慈善音樂會2017》。佢哋都會喺台上講少少分享,胡仔話:「依家好似正能量大使咁,因為結咗 ...




胡諾言、楊卓娜、楊鎧凝前晚喺灣仔香港演藝學院出席《聽你聽我弦動慈善音樂會2017》。佢哋都會喺台上講少少分享,胡仔話:「依家好似正能量大使咁,因為結咗婚,分享同屋企人相處。」胡仔要拍劇又要跑馬拉松,係咪同屋企人相處時間少咗?佢話:「咁太太(陳琪)湊女學嘢,工人姐姐就會湊住阿囝,我哋都好信任姐姐。」

講到下個月去馬來西亞跑22k馬拉松,佢話:「會盡力做,不過都要留力,明年準備參加渣打全馬。」咁會唔會叫太太一齊參加,佢話:「唔喇!好難,叫佢咪似拉牛上樹咁,唔鍾意運動,佢鍾意同粉絲交流,返到屋企我哋都冇咩好講,冇所謂,最緊要佢開心,自己除咗欣賞佢優點,一對夫妻要互相包容對方嘅缺點,先可以維持到永遠。」




鍾意就快D Share啦!
Related Posts Plugin for WordPress, Blogger...