2017年11月27日 星期一

【最耐伏筆】等足二十一集 馬國明降魔槍出場 __,馬國明,

唔經唔覺,短短廿一集嘅四大台慶劇之一嘅《降魔的》今晚已經大結局,作為台慶劇中最短嘅劇集,喺網上嘅評語出奇地好,唔少網民大讚呢套劇嘅伏線做得好,當中最多 ...




唔經唔覺,短短廿一集嘅四大台慶劇之一嘅《降魔的》今晚已經大結局,作為台慶劇中最短嘅劇集,喺網上嘅評語出奇地好,唔少網民大讚呢套劇嘅伏線做得好,當中最多人討論嘅就係主角馬國明喺劇中嘅父母金剛同小儀原來一早已經死咗,呢條伏線用咗足足十一集去鋪排。

不過原來鋪得最耐嘅唔係呢條線,有睇開嘅觀眾應該唔難留意到《降魔的》嘅片頭中,馬國明多次拎住支槍出現,就連上星期日台慶騷嗰陣馬國明都拎咗支槍出黎擺pose,搞到有唔少人想知小馬幾時拎住支槍去捉邪捉鬼,本來今集馬國明都有開口叫已經死咗嘅蔣志光整支槍,不過就被拒絕咗,最終同黃子恆大戰嘅時候,魔版黃智雯都變過支槍出嚟,不過亦唔係同一支槍。

終於過咗廿集又四份三嘅劇情之後,呢支槍喺大結局嘅最後一節出現喇,劇情講到馬國明終於搞掂晒所有嘢,繼續做的士佬,而其間仲會順手降魔伏妖,而支槍點嚟劇情就冇交代,不過當馬國明差啲開槍打劉佩玥嘅時候,馬國明就提到過呢支槍可以射出由佢嘅血製造嘅子彈,理論上呢支槍可以令到馬國明以後唔洗再丟銀仔,等咗咁耐嘅伏筆,點知一出場套劇就已經完咗。

更多娛聞,喺晒《娛果》

http://fb.com/appledailyent



有睇開嘅觀眾應該唔難留意到《降魔的》嘅片頭中,馬國明多次拎住支槍出現。(電視畫面截圖) 上星期日台慶騷嗰陣馬國明都拎咗支槍出黎擺pose(電視畫面截圖)
最終同黃子恆大戰嘅時候,魔版黃智雯都變過支槍出嚟。(電視畫面截圖) (電視畫面截圖) 不過同片頭支槍唔同。(電視畫面截圖)
終於過咗廿集又四份三嘅劇情之後,呢支槍喺大結局嘅最後一節出現喇。(電視畫面截圖) (電視畫面截圖) 劇情講到馬國明終於搞掂晒所有嘢,繼續做的士佬,而其間仲會順手降魔伏妖。(電視畫面截圖)
(電視畫面截圖) 馬國明就提到過呢支槍可以射出由佢嘅血製造嘅子彈。(電視畫面截圖) 等咗咁耐嘅伏筆,點知一出場套劇就已經完咗。(電視畫面截圖)

鍾意就快D Share啦!
Related Posts Plugin for WordPress, Blogger...