2017年11月14日 星期二

【爆相爆片】陳凱琳唔排隊Check-in?乘客爆不滿﹕大細超 __,凱琳,陳凱琳,

陳凱琳(Grace)最近撇低男友鄭嘉穎,做乖乖女陪爸爸媽媽同細佬去日本大阪、京都旅行,據聞今次仲係由Grace負責畀酒店同機票錢。不過,日前讀者劉小姐 ...




陳凱琳(Grace)最近撇低男友鄭嘉穎,做乖乖女陪爸爸媽媽同細佬去日本大阪、京都旅行,據聞今次仲係由Grace負責畀酒店同機票錢。不過,日前讀者劉小姐就向《蘋果》爆相爆片,話上周六(11號)下午3點左右,喺大阪機場見到Grace一家坐香港快運航空,疑享有特權,唔使排隊就可以特快登機,仲有職員帶入閘。

片中見陳凱琳戴住黑超,同弟弟一馬當先行去登機櫃枱,父母就一直企後排等候。陳凱琳與一男一女職員傾咗一陣,辨理完登機手續後,就由男職員帶領陳凱琳一家去入閘方向,隱約聽到有排緊隊嘅乘客話﹕「因為大細超,佢VIP入閘!」

劉小姐接受電話訪問時話﹕「當時我同朋友正辨理登機手續,職員突然放低我哋啲資料,幫另一位乘客嘅行李掛上priority tag(優先級標籤),職員就話搵另一個人幫我哋,叫我哋等等。我跟住望一望,原來嗰個係陳凱琳,見佢同職員用傾咗一陣,搞埋手續就跟住個男職員行去入閘方向。我哋條隊係online check-in,都好長龍,唔知佢係咪VIP,或買咗fast pass啦,所以唔使排隊。」劉小姐表示入閘後仍見到陳凱琳一家,原來大家同機,雖然差唔多全機都係香港人,但就冇人特別搵Grace簽名或影相,可能唔想打擾對方。

陳凱琳噚日回覆傳媒時否認有特權,透露自己買咗U-BIZ(Business for HK express),據了解U-BIZ喺香港國際機場確實係享有優先辦理登機手續及登機,至於外地就冇清楚列明。對被人指有特權,陳凱琳話﹕「唔緊要,最緊要個trip玩得開心,其他嘢唔會諗咁多。」

更多娛聞,喺晒《娛果》

http://fb.com/appledailyent

(讀者劉小姐提供圖片) 陳凱琳同細佬突然插隊,去櫃位同職辨理登機手續。(讀者劉小姐提供圖片) 有排隊嘅乘客大聲話﹕「大細超!」(讀者劉小姐提供圖片)
(讀者劉小姐提供圖片) Grace同父母及弟弟準備由大阪返港,入閘時有職員帶路。(讀者劉小姐提供圖片) (讀者劉小姐提供圖片)
入閘後同其他乘客一齊等上機,陳凱琳同屋企人都好似玩到有啲攰。(讀者劉小姐提供圖片) 陳凱琳慳家坐廉航,但就請晒全家去旅行,其實都幾乖女。(網絡圖片) 大阪之旅,當然要盡情食食食



鍾意就快D Share啦!
Related Posts Plugin for WordPress, Blogger...