網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年11月11日 星期六

【狗仔出更】慳家人妻郭藹明IKEA買地毯 為搵到心頭好竟然...... __,郭藹明,

劉青雲同郭藹明(Amy)係娛樂圈出晒名嘅模範夫妻,結婚咁多年一直都好恩愛,青雲喺15年憑《竊聽風雲3》奪最佳男主角,當時佢對住老婆講愛妻宣言:「每次當 ...




劉青雲同郭藹明(Amy)係娛樂圈出晒名嘅模範夫妻,結婚咁多年一直都好恩愛,青雲喺15年憑《竊聽風雲3》奪最佳男主角,當時佢對住老婆講愛妻宣言:「每次當我揸住太空船,飛到宇宙唔知邊度,你總有辦法令我安全返回地球。」嗰陣唔單止Amy感動到喊,唔少人聽完都好羨慕!(新聞連結:http://bit.ly/1V2e89W)

做咗人妻嘅Amy,咁多年都好專心做青雲背後嘅女人,等老公專心去拍戲。有報道話喺青雲兩夫婦14年喺西貢買入豪華別墅,雖然間屋比較殘舊,但係因為Amy勁愛嗰個無敵海景view,寧願花多啲時間去裝修呢個安樂窩,所以有段時間喺上海街附近啲建材店,周不時會見到Amy嘅踪影,話晒係同老公嘅安樂窩,梗係要自己一手一腳去做喇!

青雲同Amy愛巢嘅裝修工程應該已經完工,可以日日夜夜欣賞嗰個無敵海景view,雖然佢哋裝修用咗好耐時間,不過家庭用品係不分時候,可以長期keep更換又或者添置嘅物件!噚日下晝3點幾,Amy去咗九龍灣MegaBox嘅IKEA,不過同行嘅唔係老公劉青雲而係司機!

嗰陣Amy一支箭去咗睇地毯,初初佢鍾情一啲比較大面積兼貴價嘅地毯,睇咗一輪都唔係好啱心水,本來揀唔啱心水都唔係乜嘢出奇事,不過Amy原來好有少女心,喺好煩惱嘅情況下,會見到佢有啲嘟嘴、托腮、皺眉兼摸下巴,最後佢行咗去另一邊睇,雖然嗰種地毯嘅價錢比較平,平均都唔使300蚊,但係Amy一於懶理,將啲捲好晒嘅地毯搬嚟搬去睇圖案,最好揀啱心水,俾完錢之後推住架購物車去停車場會合司機。

話晒係港姐冠軍兼且又係劉青雲嘅老婆,當然有唔少顧客認得佢,Amy亦表現好親民,會同其他微笑打招呼,甚至閒談幾句,當司機將地毯搬咗上車之後,Amy又好有手尾咁將架車推番去原處先上車,果然大方又得體!

更多娛聞,喺晒《娛果》

http://fb.com/appledailyent

攝影:徐錦池、孔志豪 Amy單拖去咗IKEA揀地毯。 買完地毯自己一個人推去停車場!


搬完自己擺番好架購物車。 好有手尾喎


青雲同Amy結咗婚咁多年都好恩愛!(資料圖片)

鍾意就快D Share啦!