掃呢頁CODE去手機

2017年11月2日 星期四

IT女進攻電子收費專家狠批:未 ready! [壹週刊 - 1443 - 財經] __,M1,

星馬屋老闆娘劉小姐(左)坦言,雖然園區大力鼓勵她使用POS機,但因各種原因,她不會主動推薦客人使:「用得最多咪嗰位靚女(即Joey,右),都用咗五、六 ...






星馬屋老闆娘劉小姐(左)坦言,雖然園區大力鼓勵她使用 POS機,但因各種原因,她不會主動推薦客人使:「用得最多咪嗰位靚女(即 Joey,右),都用咗五、六次,其他客人都嫌麻煩,寧願俾現金。」

Start up擂台

IT女進攻電子收費專家狠批:未 ready!

近年電子支付迅速改變內地消費模式,「支付寶」及「微信支付」在中國盛行,有商家規定「拒收現金」、「香港仲用現金好落後」,而香港網友亦反擊:「咁流行係因為內地太多假銀紙!」「香港喺電子支付工具一啲都唔落後,落後嘅係商戶收錢嘅工具!」在 IT行業近二十年的林籽妍( Joey),兩年前自立門戶開設 CamClaim,原本打算做移動報銷系統,但見電子支付平台愈來愈受歡迎,決定轉攻該市場。

她直指,香港一向有不少電子支付工具,最大問題是商戶沒有辦法處理:「一來申請門檻高、收費又貴,同埋依家仲要用電話線。」於是決定研發一部多種電子支付功能的流動銷售管理系統 One2paid,目標是所有交易都可以在兩秒內做到。現時 Joey與銀聯合作,所有印有該品牌的提款卡及信用卡都可以使用 POS機,而商戶月租三百元就可以使用該服務。而 POS機在科學園餐廳率先試行,但餐廳負責人卻反映「成個月一個客都無用過」,到底點解?

Joey表示,現時不少企業都想參與移動支付服務,消費者都樂意嘗試,但問題是根本沒有機會:「樽頸位係小商戶無辦法用到,依家信用卡部機要插線,又要收 charge,而最新嘅 Apple Pay、 Tap& Go,只限大型商戶可以用到,所以唔普及。」

她強調, One2paid可支援市面上大部分的支付平台:「我同佢哋係合作模式,唔存在競爭,只係令佢哋有多個平台可以用到。」而部機最大的優點就是支援 Wi-Fi及 4G訊號:「唔同商戶就可以好簡單用一個平台,直接過數,任何地方、任何人都可以做到交易。」她以茶餐廳做例子:「好似外賣咁,用咗呢部機就可以即時過數,唔需要再找錢,同埋依家點餐好多時都係寫紙仔,部機可以同客人點餐,可以做埋收銀,到時收銀機都可以唔使要,可以多個位放多張枱。」





客人把已下載交易 app的手機或銀聯卡一「嘟」,就可以交易。但現時銀聯卡要輸入密碼及簽名, 2秒內難以完成。





然後選擇支付方式,但暫時只有銀聯能夠使用。





POS機使用方法非常簡單,商戶只需要在收銀畫面上按支付的金額。





老闆娘劉小姐將 POS機的海報貼在當眼處,不少客人都得悉可以使用,但直言不會考慮。





訪問時,由於 Joey(右三)的同事都到海外工作,故暫時由兩位學生(右一、二)及老師(後左一)代勞工作。

炮轟八達通壟斷

現時 Joey的 POS機月租三百元,商戶只要填上商業登記等資料,及交上二千元的按金,服務就會在一個星期內開通。現時只有銀聯卡可以使用,她計劃陸續增加其他平台。對於不少市民都依賴八達通,她直言是「因為大家都冇得揀」:「佢一開始嘅原意只係用嚟搭車,有好多限制,依家佢嘅定位愈嚟愈偏離。問題係如果你張 VISA卡可以出入門口,我覺得你都未必用八達通,因為你有得揀。」

她直指:「點解搭車、汽水機只可以用八達通,而唔可以用其他工具?」她坦言現時八達通在電子支付市場已有一定的壟斷,新公司要跟他合作「幾乎無可能」:「要同佢哋合作,有幾個條件,第一要考佢哋張 cert,你有 cert之後要入申請表,申請表通過先俾你入網,但係入網要俾錢,手續都比較繁複,同埋每一交易要俾幾蚊。」她指在八達通立場根本不想跟第三方合作:「嗰個人做開,佢就唔會開放,佢就會閂埋門,不斷宣傳自己係獨家,全世界都已經講共享嘅時候,但仲有一班人講獨家!」







Joey(右)上星期在會展舉行的香港金融科技周 2017,獲科學園支持放置示範攤位,圖左為科技園企業飛躍計劃助理經理張惠平。





專家葉浩文(右)質疑, POS機為何不能令餐廳節省更多資源,但當天 Joey(左)十分繁忙,未能向專家解釋,最後答問環節更因時間不足而草草結束。

專家盤問

K:金融學士葉浩文( Kirk)

O:One2paid創辦人林籽妍( Joey)

K:例如我開了一間茶餐廳,給你三百元,我包了什麼?

O:包這個硬件的租機費,第一是收錢,第二是可以做到收外賣的單,另外商戶收費就跟八達通差不多,八達通收費約 1.5-1.6%,我們就收 1.4%。

K:現時你們的目標都是專注在餐飲,你有什麼方法去鼓勵他們使用?

O:現在他們收現金,一下子要他們轉電子支付,他們興趣不大。我們就研究了一個外賣 app,已加入在 POS機內,餐廳申請了部機就等於可以用外賣服務,他們現時外賣只可以用電話,但如果變了做網上落單的話,這個可以令他們的接單能力提高,以及他們不需要人手聽電話。

K:會不會因為用了這部機,就可以減少人手?

O:不一定可以精減人手!餐廳本身已經不夠人手,你叫他減人手,沒有可能!

K:既然可以電子落單,為何不直接放部機在枱上,讓客人直接落單,就不需要侍應走來走去。

O:但實際上,一間餐廳沒有服務員是不是就最好。

K:不是說完全沒有,只不過侍應不需要做落單的工作,正如你所說,侍應就可以在出菜的時候介紹食物給客人。現時去茶餐廳的心態,我相信沒有人會期待一個十分優質的服務,只是務求快靚飽。

O:你說那些是比較舊式的(茶餐廳),例如你去到翠華,你會不會對翠華沒有要求?





劉小姐(左)指餐廳一向只收現金,而 POS機的出現亦未有改變她埋數時「數銀」的習慣。



終極判決

未準備好!

在答問環節時, Joey明顯心不在焉,忙於使用電腦,有時專家的問題都答不上,要記者提醒。而挑戰者及專家亦多次在「茶餐廳可減少人手」及「茶餐廳要有優質服務」存有衝突,而 Joey承認硬件及程式開發都不是由自家開發,對手加入難度其實不高。

Kirk:我覺得 One2paid是一個較為初步的階段,而生意模式都是集中在餐飲業。

如何令到更加多商戶去採用這個平台,但我見不到有一個明確的方案,去令到商戶覺得用了這個平台之後,生意有多少程度的得益,我覺得這方面要花多些心機及功夫,做多點準備。

我眼見現時 One2paid發展及門檻都不是太高,所以整體來說,我會給五分。

商戶意見

試用三個月反應差:好唔方便!

Joey加入科學園短短三個月,已獲園方大力支持,更成功獲園區內餐廳星馬屋率先試用,但餐廳負責人就直指,放置三個月反應「唔係太好」。

記者在繁忙時間到餐廳觀察,發現所有客人都是用現金付款,更有客人得悉有傳媒採訪 POS機,立即反映:「好唔方便,只可以碌卡。」似乎有所誤解。餐廳負責人就指不少客人都知道可以使用該設施,但都拒絕使用:「今個月(十月)都用唔到一次!依家好多客都話想用電話嘟(微信支付),但又嘟唔到。同埋幾個客想一張單分開俾錢,部機都係做唔到!」她直言:「我都唔知點埋數,科學園話要更新,但我都收唔到!」看來跟整個計劃有所出入, Joey要急需解決。

專家錦囊

電子支付在港有得做!

雖然給予這個 app分數不高,但葉浩文就指,現時在香港流動設備的滲透率已經很大,電子收費絕對有發展的空間。其中一個仍未普及的原因是保安問題,因為不少研究都顯示,市面上原來有一個惡搞程式,可以入侵手機去控制鏡頭,當你去二維碼的時候,就可以盜用,如果能夠解決,相信會增加市民的信心。

他補充,如果商戶可以利用電子支付方式得到的大數據,幫助商戶去制定合適的推銷方法,是可以有一個很大的誘因令到商戶改用流動支付。

撰文:梁延宇

攝影,攝錄:廖健昌 梁正平

ed_bn@nextdigital.com.hk


鍾意就快D Share啦!