熱爆娛樂: 【狗仔出更】身家過億「慳妹」李彩華入SOGO同人迫爭買袋 _

2017年11月17日星期五

【狗仔出更】身家過億「慳妹」李彩華入SOGO同人迫爭買袋 __,李彩華,

李彩華(Rain)上個月喺香港搞完處女音樂會，呢個星期六啱啱又過咗34歲生日，相信阿Rain開心又難忘，而多數日子喺內地工作嘅阿Rain，原來最近仲喺香港，佢仲趁住減價日子留港消費。

其實近年阿Rain密密喺大陸搵人仔，已經秘密咁成為圈中身家過億嘅小富婆，加上同前藝人男友何遠恒感情穩定，真正嘅事業愛情兩得意。雖然身家豐厚，不過原來Rain都仲keep住「慳妹」本性。

日前《蘋果》發現佢就現身銅鑼灣，原來佢趁住Sogo感謝周年慶，趁減價去掃貨。當日大約下午5點半，Rain同埋一位女友人急急腳走咗入Sogo，佢哋一到就直上6樓，嗰層主要係賣皮具名店，佢哋兩個一去到就行入Pernelle呢間專賣手袋嘅專櫃，睇嚟一早已經鎖定目標，佢哋行咗幾個圈，多數都係企去減價款式度左試右試咁，大概10分鐘阿Rain就睇準目標，埋單畀錢。

雖然着住黑色外套，唔知係咪睇得太忘我，最後畀錢埋單時就輕露裏面嘅喱士內衣，而店內都有唔少大陸人應得阿Rain，仲用手機影佢。畀錢後阿Rain就一支箭咁行咗去世貿。

更多娛聞，喺晒《娛果》

http://fb.com/appledailyent

攝影：孔志豪、吳耀輝	李彩華日前現身銅鑼灣shopping，仲去買手袋。
	睇咗10分鐘呀Rain就睇準目標。	畀錢埋單時仲唔小心輕露裏面嘅喱士內衣。
畀錢後阿Rain就一支箭咁行咗去世貿走人。	阿Rain仲即買即用。