網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月7日 星期四

人在野都要高清 [壹週刊 - 1448 - 生活] __,M1,

GarminVIRB360壹科林人在野都要高清秋高氣爽,當然要去行山,成功登頂都只得幾張相擺上網,點夠?索性玩360度全景兼4K高清片先可以呃到Lik ...






Garmin VIRB 360

壹科林

人在野都要高清

秋高氣爽,當然要去行山,成功登頂都只得幾張相擺上網,點夠?索性玩 360度全景兼 4K高清片先可以呃到 Like,再加上最好機仔細細,毋須增加負擔,否則天黑先上到山,邊部機先做到? Garmin的 VIRB 360可以符合以上條件,仲可以手機遙控,夠爽未?

要拍攝 360度影片,一定要有兩個鏡頭,每個負責 180度拍攝,然後再自動進行接駁,所以 VIRB 360前後都有個凸出鏡頭,可以涵蓋 360度垂直與水平視角,並且支援 4K質素影片,如果以未接駁影片計算,更可以達到 5.7K質素。雖然鏡頭凸出,不過毋須擔心,因為鏡頭使用強化玻璃製造,除非用硬物猛烈碰撞,否則都不易刮花。







機身設有操作按鈕,就算手機無跟身一樣用到。





設有安全鎖,幾激烈亦不怕錯誤停機。





支援最高 128GB MicroSD記憶卡,電池最長可連續使用一小時。

講到明野外使用,耐用度當然好重要,所以 VIRB 360支援 10米防水,兼且內置 GPS、氣壓計、速度計、電子指南針等數據記錄,並可將數據放入影片內。有畫面,更加要有聲, VIRB 360內置 4個收音咪,可作 360度環迴收音,令朋友都可以身歷其境般齊齊上山又下海。

具備藍牙及 WiFi連接功能的 VIRB 360,可以無線連接手機,睇住手機進行拍攝,可以實時「環顧四周」,或者更改拍攝模式,而且機身亦設有按鈕,同樣可以隨時操作,就算手機無跟身,一樣可以影到。功能方面,設有防震、鎖定及跟隨模式。當中防震模式能使影片震動趨於穩定;鎖定模式則指定拍攝位置;最後的跟隨模式,則會遵循 GPS軌跡進行拍攝。

售價:$6,499





連接手機後,可進行更多設定。





錄製時可即時查看不同角度。

野外活動可以有好多種,要揀部適合自己的 action cam,其實絕對無難度,睇睇其他 action cam又有何賣點。

經典變奏 Casio GZE-1





同場加映

以 G-SHOCK手錶為設計靈感,賣相已經夠搶眼,兼且耐用度亦毋須懷疑,配備 13mm超廣角鏡頭,可承受 4米防撞、 50米防水、 IPX6防塵及攝氏-10度耐低溫。

售價:$3,480

蔡司之名 Sony RX0

採用蔡司 24mm鏡頭,具有 4.0光圈,其 Exmor RS CMOS感光元件尺寸更達 1吋,擺明以影像質素做賣點。具有 10米防水、 2米防撞及 200kgf抗壓性等「硬淨」規格。

售價:$6,290

撰文:劉耀祥

攝影:梁正平

features@nextdigital.com.hk


鍾意就快D Share啦!