網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月7日 星期四

球場還拖,袁偉豪挑機《溏心》打女楊柳青 [壹週刊 - 1448] __,袁偉豪,楊柳青,M1,

探熱針球場還拖,袁偉豪挑機《溏心》打女楊柳青大隻袁偉豪在電視劇《使徒行者2》做臥底打交殺人,早前又突然「天堂哥」上身,睇到《溏心風暴3》打女楊柳青在I ...






探熱針

球場還拖,袁偉豪挑機《溏心》打女楊柳青

大隻袁偉豪在電視劇《使徒行者 2》做臥底打交殺人,早前又突然「天堂哥」上身,睇到《溏心風暴 3》打女楊柳青在 Ig跟教練踢腳練對打,挑機留言問「係咪想踢死人」。兩人早前在慈善籃球賽相遇,楊柳青即時還拖,埋牙要袁偉豪親身體驗她的超勁腳法,個人攞得一分的她在球場一味用腳唔用手,最後當然都係輸。







陳偉琪同袁偉豪同一隊,打得有板有眼的她,起碼知道打籃球係用對手。





要搶波,楊柳青只係識得笑,袁偉豪就表現緊張。

組隊比賽

近年有鋪運動癮的袁偉豪,在布拉格拍完電視劇《再創世紀》外景後,即跟吳浩康、新一代咪神陳偉琪等組隊參加明星慈善籃球賽,和龐景峰、周志文和第一次落場的「溏心打女」楊柳青等對壘。

球場相遇,兩人唔鬥球技鬥腳法,事關袁偉豪早前在 Ig挑機她的踢腳功夫,她立時留言叫對方「試吓咪知囉」,結果二人在籃球場上切磋。





愈來愈大隻,袁偉豪熒幕下都不時騷肌, man爆。





狂做運動外,袁偉豪經常被拍到同女友張寶兒拍拖。





楊柳青在《溏心 3》都係玩踢腳,明搶黃翠如男友黃宗澤。







袁偉豪在 Ig睇完呢條楊柳青操身手嘅短片,即留言挑戰,楊亦不甘示弱,叫佢下次試吓。

功夫防守

「其實我哋都係講吓笑啫,反而打籃球就真係用腳,我根本唔識打籃球,不過因為係慈善賽,所以都答應落場,但就不斷犯規,同場嘅隊友就話我反正唔識打,不如用功夫嚟防守,咁見到袁偉豪衝埋嚟搶波,我咪用腳踢囉,佢都知我唔掂。坦白講,我都覺得幾肉酸嘅,因為好似阻住地球轉,仲成為全晚笑點。」楊柳青說。

個人攞得一分,有好心隊友不斷交波給她,不過冇試過成功入樽,她說:「我喺現場被人噓,咁都冇辦法。」雖然最後兩隊都三甲不入,見楊柳青水皮到一個點,相信袁偉豪向對方桃機都係一個笑話。





早前《溏心 3》記者會,她跟 Yumiko悉心打扮,為劇集宣傳。





雖然當中有唔少好波之人,但兩隊最後都三甲不入。

撰文:娛樂組 

攝影:何子洋、蕭敬漁


鍾意就快D Share啦!