2017年12月21日 星期四

重鎚二千萬買產品專利老公做白老鼠 苑瓊丹鎖定睇中農夫 [壹週刊 - 1450] __,農夫,陸永權,鄭詩君,苑瓊丹,M1,

大家支持吓!(設計對白)探熱針重鎚二千萬買產品專利老公做白老鼠 苑瓊丹鎖定睇中農夫苑瓊丹(苑仔)投資活髮科研多年,最近盡地一煲以二千多萬購入產品專利, ...






大家支持吓!(設計對白)

探熱針

重鎚二千萬買產品專利老公做白老鼠 苑瓊丹鎖定睇中農夫

苑瓊丹(苑仔)投資活髮科研多年,最近盡地一煲以二千多萬購入產品專利,雖然老公是身家過億的玻璃大王黃乃揚,但她沒用對方一毫子,只需老公做白老鼠,又想搵農夫做代言人,求他們不要坐地起價。

老公錦囊





農夫做節目夠生鬼,與苑仔的形象很夾,所以她鎖定了農夫為產品代言人。

苑仔於○一年相睇認識現任老公、身家過億的玻璃大王黃乃揚,拍拖三年,○四年在美國賭城拉斯維加斯秘密結婚,低調做了「黃太」多年,至○九年才被揭發。五十五歲的苑仔,近日在香港重鎚投資二千多萬買產品專利,老公有沒有在財力上支持?她說:「老公支持我唔住啦,老公都好好,佢有幫手試,佢都話你鍾意做咪做囉!佢係一個好勤力嘅人,無論幾夜瞓,四點瞓又好,五點瞓又好,八點半準時起身出門口,佢成日同我講一樣嘢,力不到不為財,所以我今年基本上好少做嘢,用大部分時間去試產品、睇包裝、點樣推銷等。」

農夫係心頭愛

為生意又做拼命三郎,無時間陪老公,另一半有冇詐型?苑仔說:「我無陪佢喎,我仲係好忙,每日不停走出走入,佢啱啱至打電話嚟問我,得唔得閒落樓下食個晏,我話唔得閒即係收咗佢線,真係無時間,因為要工作,佢講得啱,做事要專注。」投資活髮研究多年的苑仔,除親自代理專利產品,還睇中人氣勁的農夫,她說:「我最鍾意就係農夫呢個組合,第一佢哋形象同我好切合,大家都係搞笑嘅,好輕鬆、親民,第二就係佢哋嘅節目就係去 shopping,成日出去買嘢,即係代表佢哋對市場認知能力好高,所以我考慮緊邀請農夫。唔好乘機加價,考慮咋!」





苑仔與老公黃乃揚結婚 13年,雖然各有各忙,但仍然恩愛。





苑仔投資活髮科研多年,最近以二千多萬購入產品專利,盡地一煲。

自己買衫拍劇

一二年拍完《造王者》,苑仔便離開無綫,轉移在內地拍劇拍電影。一五年,她因鄭則仕而重返無綫拍《退下火線的江湖大佬》。據知明年四月,她會再次回巢幫拖,她說:「因為我哋成日約食飯, Ken哥就提供條好橋,張兆輝又喺度,大家聽完就覺得 OK、幾好玩。大家朋友又夾得埋,所以一拍即合。同監製傾咗,明年四月就會返去拍。而家開始要寫啲金句,因為我自己鍾意寫金句,鍾意自己諗造型,基本上我拍嘅戲大部分都係自己造型,衫都盡量自己買,無計蝕唔蝕,因為作品好緊要,所以我係好緊張,要令到自己係最好嘅,俾觀眾睇到都開心,呢個就係我嘅工作態度。」





苑仔有份演的劇集《美味奇緣》在內地剛播映完,有七十億點擊率,令她人氣再升。





15年,鄭則仕邀請苑仔回巢拍《退下火線的江湖大佬》。明年,兩個又拍住上再返大台拍劇。





12年,苑仔拍攝完《造王者》之後暫別無綫,轉戰往內地發展。

撰文:娛樂組 

攝影:蕭敬漁 


鍾意就快D Share啦!
Related Posts Plugin for WordPress, Blogger...