掃呢頁CODE去手機

2017年12月17日 星期日

14歲受訪片翻Hit!C君笑談患病 網民佩服 __,C君,

C君平時對自大家笑哈哈,就連患地中海貧血症要終身去換血都笑住面對!組合農夫成員C君平時喺鏡頭前成日講爛gag,帶畀觀眾好多歡樂。但原來歡笑背後,C君好 ...


C君平時對自大家笑哈哈,就連患地中海貧血症要終身去換血都笑住面對!


組合農夫成員C君平時喺鏡頭前成日講爛gag,帶畀觀眾好多歡樂。但原來歡笑背後,C君好細個嘅時候已經患有地中海貧血症,要終身定期到醫院換血同食藥,雖然如此,但向來樂天嘅C君好勇敢面對呢個病!

近日網上流傳一條當時只得14歲兼讀緊中學嘅C君,於醫院接受訪問,望落C君嗰樣同依家都好似,短片中嘅旁白話C君當時每四星期就要返去醫院輸血。當時C君講嘢風格同依家冇咩分別,都係帶點輕佻同搞搞笑笑,當佢被問到要成日去醫院輸血嘅心情,開頭見C君都好似講到灰灰哋咁,但之後又好似平時咁冇乜嘢,佢話:「人哋放學走去打波,我要走嚟配血,幾煩,都唔係好辛苦,唔返嚟輸血會死喎,咁梗係返嚟輸血」但鏡頭一轉,又見C君繼續打機,貫徹樂天嘅作風。雖然C君有呢個病,好多網友都已經知道,但唔少網友睇完條片都話好心噏,留言叫佢加油,仲話C君咁積極樂觀去面對呢個病,好值得令人佩服!

網民有話兒:

CXXan FXXg:唔配血會死!雖然無奈但不失樂觀!

AuXXXy LXu:佢個樣真係無變過!

DXXsy CXXn:c君,你好堅,多謝你帶咁多歡樂畀我哋。

XXna CXXn:細個嘅佢,說話嘅幽默感已經存在,同依家大個講野(嘢)嘅感覺一模一樣。

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!