熱爆娛樂: 【埋嚟睇...】2018大台月曆曝光「狄龍之子」勁過視帝兩劇孭飛 _

2017年12月1日星期五

【埋嚟睇...】2018大台月曆曝光「狄龍之子」勁過視帝兩劇孭飛 __,大台,狄龍,TVB,

聽日就係12月1日，踏入12月，即係仲有31日，我哋就要同2017年講拜拜喇！

無綫今日公佈咗2018年月曆，例牌啦…以劇集為主，能夠入圍做月曆嘅劇集應該係重頭劇，包括有張衛健回巢作品《大帥哥》、夏文汐、黎諾懿、陳山聰、黎耀祥主演嘅《逆緣》；黃光亮、陳煒、岑麗香、楊明主演嘅《果欄中的江湖大嫂》；陳展鵬、譚俊彥、姚子羚、陳山聰主演嘅《天命》；馬德鐘主演嘅《跳躍生命線》；郭晉安、楊怡、林文龍同周麗淇主演嘅《再創世紀》；麥明詩、黃智賢同關禮傑主演《是咁的.法官閣下...》；王浩信、楊明、伍允龍主演嘅《兄弟》，仲有譚俊彥、張振朗、胡定欣、姚子羚主演嘅《包青天再起風雲》等等。

單睇劇集，楊明、譚俊彥（即係狄龍個仔）、陳山聰已有兩套重頭劇喺身，反而視帝陳展鵬、黎耀祥、郭晉安等人則只有一套劇，而陳豪、歐陽震華等人，雖未有劇集上榜，但佢哋就喺11月台慶月出現，同阿姐汪明荃、陳百祥、田蕊妮一齊亮相。視后胡定欣除咗有劇集《包青天再起風雲》外，佢亦喺1月同馬國明、黃翠如、蕭正楠、黃智雯等花旦小生嚟個大合照，而好姊妹姚子羚剛喺大馬攞咗女配角，今次亦吐氣揚眉，同樣孭起兩劇。

此外，綜藝節目主持都有份影月曆，佢哋就係2月同大家拜年，因節目《阿爺廚房》而爆紅嘅李家鼎，就喺最正中位置，非常顯眼，除咗鼎爺，仲有羅蘭姐、胡楓、薛家燕、陳敏之等。

更多娛聞，喺晒《娛果》

http://fb.com/appledailyent

譚俊彥成為大台親生仔後，即有兩劇孭飛，備受重用。	1月以小生花旦為主。	鼎爺坐正正中，同大家拜年。
張衛健回娘家拍劇。	夏文汐幫無綫拍劇，同祥仔合作。	煒哥今次同黃浩然、黃光亮合作。
陳展鵬同譚俊彥合作《天命》。	馬德鐘今次返無綫拍攝以救護員做主題嘅劇集。	安仔同林文龍、楊怡、周麗淇孭飛嘅《再創世紀》。
黃智賢同關禮傑嘅《是咁的.法官閣下...》	王浩信、楊明、伍充龍合作嘅《兄弟》。	11月台慶月
12月都係譚俊彥。