掃呢頁CODE去手機

2017年12月4日 星期一

【俠味道‧翁靜晶(2)】明知劉家良已有家室 翁靜晶:以前嘅社會好唔同 __,翁靜晶,

翁靜晶14歲已對大過她30年的劉家良一見鍾情,兩年後兩人在化妝間重遇,之後的故事大家都知道。咁,劉家良師傅係咪一個浪漫嘅人?劉師傅有冇求婚?答案係,劉 ...




翁靜晶14歲已對大過她30年的劉家良一見鍾情,兩年後兩人在化妝間重遇,之後的故事大家都知道。

咁,劉家良師傅係咪一個浪漫嘅人?

劉師傅有冇求婚?

答案係,劉師傅家訓:浪漫等如浪費。

第二題答案係:劉師傅未有求婚,結婚是翁靜晶提出的。

當年劉師傅跟翁靜晶走在一起時,師傅已有妻室,一妻一妾,翁靜晶是知道的。

「當初係我地兩個喺條街度撞到,嗰陣時我係好細個,我喺街度第一眼見到佢,佢第一眼見到我,已經留下咗印象。到後來去到邵氏公司拍戲嘅時候,大家又再相遇 ,講番嗰件事,大家都記得。因為拍戲等嘅時候係等多過拍嘅時候,大家講吓拍戲嘅嘢、講吓以前香港嘅故事、講吓佢以前細個嘅成長,變咗慢慢大家距離拉近咗,比較了解咗,後來佢約我去街啦,跟住發生呢個假扮男朋友事件。」(假扮男朋友事件詳見另文)

「我又覺得佢幾得意,佢又覺得我幾可愛,一個好平常嘅吸引之後,就變咗慢慢正常去街喇,開始談戀愛。以前嘅社會同依家好唔同,以前啲男人,係可以三妻四妾,尤其是拍電影嘅人,有多幾個老婆唔係一個好大嘅問題,佢識我嘅時候,已經有兩個老婆,有一個大老婆,同一個妾侍。」

翁靜晶說得淡然,她說,唔使覺得好驚訝,嗰個年代,係好平常的事。好好好。但另一個驚訝又來,翁靜晶說,她跟劉師傅的太太,其實「幾啱傾」,而且,數十年後的今天,翁靜晶跟劉師傅的兒子,還是Facebook上的朋友。

「嗰個時代,唔係依家嘅時代。咁佢個太太同我係幾啱傾 到依家為止佢嘅仔女同我都係有交流,佢個仔都仲係我fb啲friend,所以你唔可以用依家嘅價值觀去睇番以前啲嘢。」

翁靜晶也說,「以前係怪啲」,她站在新舊交替之間,最後她選擇走進劉師傅那個舊時代,做「阿嫂」。

「到後來生咗細路哥,咪正常咁行,因為細路哥生咗出嚟,情況有改變,大家有個共識之下,咪變成我同佢結婚囉,但大家嘅關係唔係差嘅。劉師傅得一個仔,個仔到依家都係有來往,所以難以理解啦……依家咁講,你唔會明,依家啲人好似好大件事咁樣,但係以前就唔係囉。」



記者:嵐山、馮國康、倩宜

攝錄:馮峰、卓振輝

攝影:陳俊強

更多娛聞,喺晒《娛果》

http://fb.com/appledailyent



【俠味道‧翁靜晶(1)】恩愛三十載之謎 翁靜晶點解叫劉師傅做細B?

http://bit.ly/2AnvNoz

【俠味道‧翁靜晶(2)】明知劉家良已有家室 翁靜晶:以前嘅社會好唔同

http://bit.ly/2jbxufo

【俠味道‧翁靜晶(3)】浪漫等如浪費 劉家良餵包餵到翁靜晶反面?

http://bit.ly/2kiuroY

【俠味道‧翁靜晶(4)】翁靜晶 劉家良戲假情真 張國榮原來係月老

http://bit.ly/2kkwDw3



兩人認識時,翁靜晶知道劉家良有家室,當時社會接納男人有妻妾。

劉家良大翁靜晶30年,結婚由翁靜晶提出。


鍾意就快D Share啦!