無綫台慶劇《溏心風暴3》唔經唔覺已經播映咗到第15集，雖然有李司棋、夏雨、關菊英同米雪，再加上王浩信、黃宗澤、黃翠如同陳敏之助陣，不過對收視似乎有乜嘢幫助，上星期跨平台嘅平均收視只係21.5點(約140萬觀眾)，仲有唔少網民覺得冇當年《溏心》、《溏心2》嗰種感染力！
李司棋噚日接受傳媒訪問，講到收視，佢話：「呢個真係好搲頭，我成個屋苑啲人都話有睇，點解會咁奇怪，真係唔明，o依家啲收視有咁多障礙，真係好難理解。好彩我哋o依家唔使理呢啲，盡力做好佢，幫手做多啲宣傳。」司棋姐又話：「《溏心》係好睇，但係我都會話佢有少少做戲咁做、《溏心2》都好厲害，你諗吓一個好朋友，可以搶走你老公，仲打包埋啲仔女，但係今次唔係用呢啲手法，嚟嚟去去都係講兩頭家，要慢慢谷套戲。」
司棋姐話：「好似夏雨哥嘅個性同做人嘅睇法，女人之間又互相藐對方。跟住又到我個女唔生性，做第三者，鍾意可以唔要自己條命，唐文龍入嚟做CEO嗰陣幾咁smart，乜嘢嘢都集中喺佢身上，但係呢啲事睇嚟好似係小事，都可以一下都毀咗一個人。」佢又話：「我個女愛到不能自拔，嗰男人初初冇呢啲嘢，我覺得真係有啲啲女仔，婚姻保唔住就保唔住，淨係對住你話乜嘢都唔要，一啲要求都冇淨係要你一個人，已經好難抗拒，但係結果係乜都拎晒！」
司棋姐話其實喺現實生活真係有呢啲情節：「喺呢個時代最難以致信，就係夏雨哥呢個角色，點解可以好人到咁嘅樣？但係又真係有啲咁嘅男人，不過已經係好老，好固執，佢哋對朋友好好，對屋企又好專一，唔會三心兩意，好忠誠！之後許二少話唔要一齊，夏雨哥好似離咗婚咁樣，最後係開分咗，點知許家又發生事，我梗係唔俾老公去救喇，米雪要將香香嫁俾有錢人，浩信去咗第二度，唔肯再留喺度。」
司棋姐仲爆話：「家豪哥唔俾改劇本，但係夏雨哥唔係嗰啲人，佢都自己嘅演繹方式，我唔知最後點收科，我嗰陣好奸，即刻移開少少，唔想下次收通告要早兩個鐘開工！」
更多娛聞，喺晒《娛果》
http://fb.com/appledailyent
| （劇照） | | |
| | | |
|
鍾意就快D Share啦！
|
|
|
