2017年12月5日 星期二

【俠味道‧翁靜晶(5)】悲慘童年練就堅強個性 翁靜晶親述被虐經過 __,翁靜晶,

有人話鍾意小動物嘅人,都因為童年唔快樂,所以想喺動物身上搵番家庭溫暖。翁靜晶總共養咗15隻貓,佢話:「我其實都係來自一個破碎嘅家庭,我有無限嘅愛想去畀 ...




有人話鍾意小動物嘅人,都因為童年唔快樂,所以想喺動物身上搵番家庭溫暖。翁靜晶總共養咗15隻貓,佢話:「我其實都係來自一個破碎嘅家庭,我有無限嘅愛想去畀,亦都好希望得到無限嘅愛,我更希望有一個俾到溫暖我嘅媽媽。」

翁靜晶生於富裕之家,爸爸係越南富豪,但後來因為戰亂,翁靜晶被安排嚟香港,主要由婆婆湊大。而媽媽對佢要求特別嚴格,令佢嘅成長就好似軍訓式一樣,佢話:「我細個要去箍牙,做整牙僑正,我媽要求唔准嗌求命,唔准出聲,一滴眼淚都唔准流,生拔4隻牙,打埋個模,成口血淋淋,但你一句都唔准喊,因為你知一嗌救命就會打你一身。」

9歲就被送到去寄宿學校讀書,有一段時間曾被欺壓,估計係因為當時媽媽幫一位被標籤住「我係小偷」嘅小朋友出頭,最後搞到翁靜晶經常無辜被罰,佢話:「喺間學校入面,我係受到好多虐待,俾個校長用板球棍打手板,打咗四十幾棍,原因係我上課前去打鞦韆,第一板打落手係好痛,但打到二、三板係冇感覺,係麻咗,覺得支棍係軟嘅。而嗰時學校有個叫枱長制度,分食物都係分骨頭俾你,啲骨嘅部份仲有啲血,咁其他人就食好嘅。」翁靜晶口中覺得媽媽唔要佢,但當知道自己囡囡被人蝦,亦有「做嘢」,佢話:「送禮囉,嗰陣時電視機係一件好大嘅禮物,佢就送咗畀校長,希望對我好啲。」

返學過住地獄生活,暑期對翁靜晶來說反而是天堂,但唔係與家人團聚,而係可以出外唞唞氣。佢話:「我童年好複雜,都未講到千分之一,我放暑假返屋企,我媽媽就會叫馬姐,帶我出去馬姐個家姐度住,佢家姐開咗間雜貨鋪,我會同佢啲仔一齊喺雜貨鋪幫手,我會送油送米,送廁紙,送去附近居民度,嗰度我會食小紅腸,番茄整好多汁出嚟撈飯,冇咩肉,但係我覺得係天上人間咁美味,係嗰度生活係我一生人最快樂生活,你畀我揀,我寧願係雜貨舖個女。」雖然同媽媽有好多誤解,但近年因為定慧寺事件,令佢知道媽媽一直好關心佢。

記者:嵐山、馮國康、倩宜

攝錄:馮峰、卓振輝

攝影:陳俊強

更多娛聞,喺晒《娛果》

http://fb.com/appledailyent

【俠味道‧翁靜晶(1)】恩愛三十載之謎 翁靜晶點解叫劉師傅做細B?

http://bit.ly/2AnvNoz

【俠味道‧翁靜晶(2)】明知劉家良已有家室 翁靜晶:以前嘅社會好唔同

http://bit.ly/2jbxufo

【俠味道‧翁靜晶(3)】浪漫等如浪費 劉家良餵包餵到翁靜晶反面?

http://bit.ly/2kiuroY

【俠味道‧翁靜晶(4)】翁靜晶 劉家良戲假情真 張國榮原來係月老

http://bit.ly/2kkwDw3

【俠味道‧翁靜晶(5)】悲慘童年練就堅強個性 翁靜晶親述被虐經過

http://bit.ly/2zLBObq

【俠味道‧翁靜晶(6)】越南出世 翁靜晶點樣「攝罅」成為「香港人」?

http://bit.ly/2BxxcGd

【俠味道‧翁靜晶(7)】父母離異 翁靜晶9歲入貴族學校寄宿受虐:成身皮膚爛晒

http://bit.ly/2zO7sVT

【俠味道‧翁靜晶(8)】母親錫晒孻仔 翁靜晶14歲離家出走:你打死我

http://bit.ly/2A3xPeg



翁靜晶共養了十五隻貓。 翁靜晶親述兒時返學被虐待經過。
翁靜晶與母親趙小瑜。

翁靜晶生於越南一大富之家,物質生活不缺。


近年翁靜晶明白母親其實一直緊張她,兩人關係已修補。 翁靜晶與弟弟當年一起離家出走。
翁靜晶兒時跟婆婆居住。 翁靜晶參加學校旅行。

鍾意就快D Share啦!
Related Posts Plugin for WordPress, Blogger...