掃呢頁CODE去手機

2017年12月14日 星期四

【胰臟瘤割唔到】黎瑞恩腹部再發現6cm腫瘤 擴散中即入院割 __,黎瑞恩,

(新增回應)最近復出舉行演唱會兼開製作公司嘅黎瑞恩,今日佢突然喺fb留言兼貼相,見到小恩子著住手術袍兼戴埋帽,佢留言話:「嘩!唔知喺手術室開live會 ...




(新增回應)最近復出舉行演唱會兼開製作公司嘅黎瑞恩,今日佢突然喺fb留言兼貼相,見到小恩子著住手術袍兼戴埋帽,佢留言話:「嘩!唔知喺手術室開live會點呢?」

之後《蘋果》向小恩子了解情況,其公司發言人稱:「小恩子最近唔舒服,經醫生檢查發現腹部處有一個正在擴大的腫瘤,醫生建議趁腫瘤尚細,進行切除手術。今朝一早在醫院接受手術,手術非常順利,在腹部成功攞出一個小的腫瘤,小恩子依家休息中,多謝大家關心及慰問。」

其實喺前年,小恩子因為有時周身骨痛,個心又好抽搐,甚至吞嚥困難,於是接受身體驗查,發現原來胰臟生咗兩個良性嘅1.5cm瘤。

醫生表示瘤嘅位置好難割,故叮囑小恩子要樂觀啲,三個月就要去check吓;小恩子亦好正面去面對,覺得係個天叫佢要注意身體,佢仲話:「每日都當係最後一日,咁就唔會有遺憾,會過得開開心心。」(新聞連結:http://bit.ly/2C1VgBt)

小恩子透過發言人稱,今次手術與胰臟瘤無關,幸好皆屬良性:「冇關係呀,不過今次都應該係良性,為穩陣起見,切咗嘅腫瘤都拎咗去化驗,o依家要等化驗報告。」

至晚上七時半,小恩子再透過發言人回應:「醫生巡咗房,話腫瘤5、6cm大,多謝大家關心。」



更多娛聞,喺晒《娛果》

http://fb.com/appledailyent

(fb圖片/資料圖片) 小恩子喺fb自爆要入院做手術。 小恩子將會喺明年開騷。
喺15年5月,小恩子發現胰臟腫瘤,當時佢好樂觀面對。

鍾意就快D Share啦!