熱爆娛樂: 【俠味道‧翁靜晶(9)】《喝采》擔正有段故翁靜晶讚哥哥係天才 _

2017年12月6日星期三

【俠味道‧翁靜晶(9)】《喝采》擔正有段故翁靜晶讚哥哥係天才 __,翁靜晶,

或者翁靜晶俠女形象太過深入民心，差啲令人忘記佢曾經做過當紅女星。第一齣戲就可以擔正做女主角，要多得佢同媽媽鬧完交，14歲離家出走後遇到嘅伯樂。

當年只得9歲嘅弟弟都有跟埋離家，最初佢哋去淺水灣賣汽水，賺到幾百蚊後過澳門，但弟弟一星期已經捱唔住返家。翁靜晶話﹕「我哋住咗幾日客棧就冇晒啲錢，原來畀人呃。坐船返嚟時撞到陳欣健，咁佢係識得我阿媽，我叫佢uncle，佢問點解你喺度，又離家出去呀？佢就喺度笑啦，梗係。」

當年陳欣健準備開拍《喝采》，見翁靜晶樣子清純兼具氣質，於是叫佢去試鏡。翁靜晶話﹕「我嗰時冇咩靚衫，着住條工人褲，喺香港小姐孫泳恩(製片人)幫我化妝嘅。佢哋要我演發羊吊，我心諗，唔係呀大佬，陳欣健uncle，我真係唔識發羊吊，叫佢做一次俾我睇，我跟住做。」推嚟推去當中，陳百強嘅經理人突然煞停試鏡，跟住話﹕「得喇，唔使再試，出面嗰啲可以走，因為佢有性格。佢冇好似其他女仔咁流晒口水鼻涕，抽晒筋，俾我哋睇到衰樣。如果佢流晒口水鼻涕試鏡，陳百強係唔會同佢一齊合作，佢見到已經第一個驚咗先，所以呢個啱。」

擊敗芸芸對手，翁靜晶喺《喝采》與三位氣質男陳百強、張國榮、鐘保羅合作，確實令人好羨慕。佢話﹕「其實我戲入面我全部同陳百強一齊，對張國榮認識唔多，係之後再拍《楊過與小龍女》，比較認識佢一啲，佢同Danny係完全兩個性格嘅人，我覺得佢好有天才、好有天份。講到鍾保羅呢，都未同佢講超過十句嘢，好少交流，對三位男主角，大概就係咁樣。」

記者：嵐山、馮國康、倩宜

攝錄：馮峰、卓振輝

攝影：陳俊強

更多娛聞，喺晒《娛果》

http://fb.com/appledailyent

【俠味道‧翁靜晶(1)】恩愛三十載之謎翁靜晶點解叫劉師傅做細B？

http://bit.ly/2AnvNoz

【俠味道‧翁靜晶(2)】明知劉家良已有家室翁靜晶：以前嘅社會好唔同

http://bit.ly/2jbxufo

【俠味道‧翁靜晶(3)】浪漫等如浪費劉家良餵包餵到翁靜晶反面？

http://bit.ly/2kiuroY

【俠味道‧翁靜晶(4)】翁靜晶劉家良戲假情真張國榮原來係月老

http://bit.ly/2kkwDw3

【俠味道‧翁靜晶(5)】悲慘童年練就堅強個性翁靜晶親述被虐經過

http://bit.ly/2zLBObq

【俠味道‧翁靜晶(6)】越南出世翁靜晶點樣「攝罅」成為「香港人」？

http://bit.ly/2BxxcGd

【俠味道‧翁靜晶(7)】父母離異翁靜晶9歲入貴族學校寄宿受虐：成身皮膚爛晒

http://bit.ly/2zO7sVT

【俠味道‧翁靜晶(8)】母親錫晒孻仔翁靜晶14歲離家出走：你打死我

http://bit.ly/2A3xPeg

【俠味道‧翁靜晶(9)】《喝采》擔正有段故翁靜晶讚哥哥係天才

http://bit.ly/2iVyB5V

【俠味道‧翁靜晶(10)】拉埋細佬賣汽水維生翁靜晶：有腦㗎嘛！

http://bit.ly/2AuwuMU

【俠味道‧翁靜晶(11)】寄張相就做咗演員翁靜晶：從來唔覺得自己靚

http://bit.ly/2imvrEf

	翁靜晶表示自己14歲時，曾離家出走到澳門生活。	當時她跟弟弟（右）入住澳門的客棧，卻被人騙光所有錢。
陳欣健是翁靜晶的伯樂，她笑言自己在最落魄時遇上對方。（電影截圖）	因為倔強的性格，令翁靜晶贏得電影《喝采》的演出機會。	年青時的翁靜晶，樣子甜美。（電影截圖）
在電影《喝采》內，翁靜晶跟張國榮的對手戲不多。	跟鍾保羅（左）更是聊不到十句。	後來跟張國榮合作《楊過與小龍女》，二人才開始稔熟。
電影《楊過與小龍女》截圖。