掃呢頁CODE去手機

2017年12月17日 星期日

開騷講偉論!黎明:心想係唔會事成 __,黎明,

講咗咁多嘅心想事成,原來天王有獨特見解!天王黎明(Leon)在澳門威尼斯人金光綜藝館舉行「黎明LEONRANDOMRUN2017」演唱會,一向是「金句 ...


講咗咁多嘅心想事成,原來天王有獨特見解!


天王黎明(Leon)在澳門威尼斯人金光綜藝館舉行「黎明LEON RANDOM RUN 2017」演唱會,一向是「金句王」的黎明,在唱歌之餘亦不忘和歌迷互動玩你問我答,有台下女歌迷向黎明表示她生日,可否給她唱生日歌?黎明都沒有拒絕並益街坊:「邊個生日都好,之前生日又好,前前後後生日好,祝大家生日快樂,Good Luck!」之後有男歌迷說希望黎明能永遠唱歌給他聽,而旁邊的女士更搶咪說支持黎明:「如果有時限畀我揀,我會揀一萬年。」黎明就抵死回答:「你哋放心,我會永遠活喺你入面。」繼續有位內地大叔,以不純正的口音向黎明說:「想參加(睇)黎明演唱會十幾年,我係聽你啲歌成長。(全場爆笑),我嘅荳蔻年華都係聽你啲音樂長大,代表住我整個青春年代。」黎明亦回句:「咁其實我都經歷好多代嘅,荳蔻年代同青春年代都有。」

之後黎明唱完一輪快歌滿頭大汗,他對人體構造又有偉論:「人構造好簡單,有人腳底出汗,有人頭頂出汗,我就完全屬於頭頂嗰種。」接着,他拿起毛巾發現歌迷給他禮物:「有時講緣分,如果唔係過嚟抹汗,都唔知呢到有份禮物。」之後黎明就自爆與曱甴好有緣分,夜晚起身飲水都會見到曱甴出現。有Fans問黎明是否怕曱甴?黎明說:「由以前驚,到依家唔驚嘞,就好似蝙蝠俠克服咗蝙蝠一樣,我以前驚曱甴係因為細個發夢,夢到曱甴入咗我耳仔,嚇到醒咗真係有隻曱甴喺度,最後我好殘酷咁消滅咗佢。」

另外,黎明在上周(11日)生日,台下大批歌迷自發性給他唱生日歌補祝他生日,而黎明亦再次說:「我都祝願所有人生日快樂,因為我喺內地拍戲,有劇組人員問我幾時生日,我就話3月15,費事喇,開工還開工,唔想搞咁多嘢嘛!」而台下歌迷又大聲讚「靚仔」,黎明搞笑說:「靚仔冇用架,我有個座右銘,唔好做最差嗰個就得嘞,有時蠢蠢地先最幸福。」因聖誕節及新年將至,黎明又認真說:「心想係唔會事成,因為剩係心諗係唔得,要用心同埋行動去做,唔理你快動作定慢動作都好,快又未必啱時機,都要睇運,但有行動先得。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!