張曦雯畀隻樹熊邀陪瞓！
無綫自發出「限奶令」後，節目製作上的性感尺度行即收緊，原本在J2台播出的旅遊節目《3日2夜》，下月將過檔到翡翠台播出，為配合公司新政策，在製作上當然會有所調校，將過往在《3》不少露肩背的浸溫泉和泳衣鏡頭刪減。日前性感女神張曦雯，身先士卒到了澳洲昆士蘭拍《3日2夜》潔淨版，當中曦雯旳火辣三點式泳裝鏡頭不復見了，換來碧海藍天欣賞日落和親親大自然抱樹熊。
由於這輯《3》將於明年1月20日安排在翡翠台播出，監製張志明稱觀眾層面較為大眾化，所以更要配合公司新政策，而完成行程返港的曦雯，她表示這個潔淨版拍來完全冇壓力，不用穿泳衣，可以大吃大喝。今次主題為親近大自然，所以曦雯拍攝了坐遊艇欣賞日落、樹熊和摘新鮮芒果，全程都沒有需要穿着泳衣的環節，曦雯接受東網訪問稱：「我哋不停食海鮮，呢次可以話係增肥之旅。（公司出咗『限奶令』唔使着泳衣？）其實今次全個行程都係當地旅遊局編排，係比之前少咗泳衣鏡頭，咁仲好，我可以完全冇壓力，因為日日食海鮮，我都肥咗返嚟！」
雖然沒有了吸睛的泳衣鏡頭，但曦雯亦覺得這個潔淨版亦有睇頭：「我哋坐遊艇欣賞日落好正，又去農場睇好多新鮮食材、摘芒果同抱樹熊。（有冇畀樹熊胸襲？）咁又冇，可能佢係BB女，仲未識得鹹濕，但佢要同我瞓囉，哈哈！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
