網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月31日 星期日

林師傑冧爆求婚過程:佢一早認定咗我 __,林師傑,

林師傑講番佢嘅求婚過程。藝人林師傑向女友歐陽巧瑩求婚成功,他接受東網訪問分享喜悅,更率先披露求婚戒指的款式,跟一般的卡裝戒指全不同,是走型格路線,凸顯 ...


林師傑講番佢嘅求婚過程。


藝人林師傑向女友歐陽巧瑩求婚成功,他接受東網訪問分享喜悅,更率先披露求婚戒指的款式,跟一般的卡裝戒指全不同,是走型格路線,凸顯兩人的前衛性格。

多謝大家祝福

在電話中,笑過不停的林師傑表示多謝大家的祝福,更以「老婆」稱呼女友歐陽巧瑩,更爆出和女友已訂婚:「其實我哋喺個幾月前已經訂咗婚啦,我哋冇諗過要講出嚟,冇諗過大搞,因為我哋好理性咁傾件事,好多謝老闆畀咗好大信心我。因為我哋呢排好忙,佢又拍劇,近排少咗時間見面,好開心有鼓力量好正面咁去講。(嗰晚慶功大家夾咗公布?)冇夾過,我都冇乜講過出去,因為冇時間計劃結婚,唔想講完啲人問,我哋又咩都未知。」

求婚唔送花

問到求婚及訂婚儀式?林師傑指求婚好簡單,且沒有訂婚儀式,他說:「喺幾個月前,有一次我做完嘢喺車度問佢歐陽巧瑩『其實你有幾想同我結婚?』佢話『我都一早認定咗你㗎啦』,跟住我哋開始計劃呢樣嘢,過咗兩日買戒指,好Causal,好輕鬆,不過戒指擺喺屋企一排,諗住再補搞個求婚儀式再送戒指,有一晚我又係抵唔住頸,既然開心嘢又做咗個決定,不如快啲享受喜悅,所以就送咗畀佢。」問補求婚儀式可有跪地及送花?他就竟說沒有送花:「佢對花有敏感。(咩款戒指?)鑽石戒指,唔係好貴,五位數嗰啲,補求婚儀式時送戒指時都有跪地嘅,我哋咁就訂咗婚,冇乜儀式。」

未咁快生BB

林師傑又說早有計劃決定結婚,雙方家長都好支持,至於生育計劃?他說:「其實有諗生BB,但唔係咁快囉,家庭需要長遠啲計劃,但結婚係兩個人嘅事。」他說結婚將定於2018年底,但一切未定。

有信心歐陽巧瑩肯捱

問林師傑和歐陽巧瑩拍拖後是否修心養性?他說:「一定會比以前乖,我冇去夜蒲,其實都冇乜女仔埋我身,假象嚟㗎啫。(唔係咁好時候?)我事業低調,屋企又發生咗事,終於依家冇事,嗰時啱啱拍拖,都好脆弱,大家唔係咁睇好,包括老闆。(唔睇好呢段情?)唔睇好嗰個時機去投入一段新戀情。(有冇愛的宣言同歐陽巧瑩講?)咁老士,唔得,好露骨,我哋好理智去傾,唔係一時三刻嗰種,傾咗好耐。(女友有乜最感動你?)最開心完完全全企喺大家嘅角度做出發點,一路幫大家成長,呢個係緊要,同埋大家都好孝順。(有冇信心歐陽巧瑩肯捱同你一齊捱?)有,有信心先有呢個決定。」

扮喪屍唔覺陰功

談到林師傑在女版《到此一遊》MV中扮連樣被特技化妝遮住的喪屍,他說:「邊陰功呀,有得做好開心,因為呢件事係《勁歌》組負責,我做主持,不嬲都做好多清談節目,但我哋冇乜機會拍啲好有製作嘅嘢,今次係監製麥鎮東特登搵我同周志康,有新嘗試,有得玩特技化妝。(睇唔到你個樣,慘過曾經扮棋嘅吳業坤?)咁都係我嘛,呢啲肢體語言,我都有交戲,又整假牙,拍得好認為,我唔會睇,出色演員有好多唔同方法去演繹,好多唔同種嘅演繹囉,難得今次有得試,拍出嚟效果好好好開心,網民啲評語好正面,緊要有得繼續做囉。」

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!