掃呢頁CODE去手機

2017年12月13日 星期三

陳勳奇感激昔日提攜 __,陳勳奇,

■抗癌成功的陳勳奇自言現在兩隻老虎都打得死。抗癌勇士陳勳奇前晚由北京趕返香港,昨向方逸華送上最後致意,去年患甲狀腺未分化癌的他慨嘆:「呢次癌症應該係我 ...




抗癌勇士陳勳奇前晚由北京趕返香港,昨向方逸華送上最後致意,去年患甲狀腺未分化癌的他慨嘆:「呢次癌症應該係我走先,老天爺覺得我任務未完成,近十幾年我喺內地做啲關心下一代嘅事,可能因此上帝叫我唔好走住;𠵱家兩隻老虎都打得死,成龍話我唔死得㗎,《十二生肖2》預埋我,王家衛又叫我唔好死,《一代宗師2》要我拍,有兩大任務喺袋好清醒。」

15歲加入邵氏的陳勳奇,視娘家為成長地方,感激方小姐對他的提攜:「方小姐當時好錫我,我以前後生仔好反叛,成日激親佢,做錯好多嘢,佢都原諒我。邵氏後自己做導演,佢都叫我返嚟幫佢拍戲。」




鍾意就快D Share啦!