掃呢頁CODE去手機

2017年12月30日 星期六

新城:周柏豪唔理公司方向堅持出席頒獎禮 __,柏豪,周柏豪,

同公司玩反方向,好大膽喎!於今年簽約星夢娛樂的歌手周柏豪出席《新城勁爆頒獎禮》獲得「勁爆男歌手」及「勁爆歌曲」獎項,柏豪在慶功宴上表示沒有想過今年可以 ...


同公司玩反方向,好大膽喎!


於今年簽約星夢娛樂的歌手周柏豪出席《新城勁爆頒獎禮》獲得「勁爆男歌手」及「勁爆歌曲」獎項,柏豪在慶功宴上表示沒有想過今年可以獲獎:「以為自己派嘅歌唔多,但一到年尾有啲傳媒會公布番今年啲歌曲拎到咩成績,原來自己喺年頭都攞咗唔少冠軍歌,就發現自己都有啲機會,最後都有攞到獎,都幾開心,加上又見到舊唱片公司啲同事,都算可以聚吓舊。」

提到新城與星夢娛樂及環球不和事件,柏豪指自己毫不知情:「知道自己唱片公司今日(29日)唔出席,但因為我今年比較特別,成年嘅時間都係跨咗兩間唱片公司,咁我唔可以抹殺其他單位嘅努力,所以今年4個頒獎典禮我都會出席,同埋心態上都有少少改變,就算嚟到冇獎拎都好,我當支持樂壇、其他歌手或者電台,不過我亦都尊重自己唱片公司嘅決定。」

柏豪又謂都是這幾天才收到消息,問到公司有否要求缺席?柏豪稱公司都有詢問意願,更重申尊重公司決定:「我自己選擇咗嚟,都有同公司解釋番原因,每個單位都有各自嘅原因,我唔會因為自己嘅原因而影響佢哋,又或者會被佢哋嘅原因左右到我,我覺得自己想做就去做。(依家公司會唔會好嬲你呀?)唔會,公司好支持我做嘅每一樣嘢,咁可能公司當我大個仔,可以獨立去處理每件事,所以佢哋唔會擔心我或者會去講啲咩。(老闆何哲圖有半個獎都唔嚟攞?)佢忙緊聽日(30日)頒獎典禮啲嘢嘛。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!