掃呢頁CODE去手機

2017年12月4日 星期一

註冊緊張明年擺酒等雙喜啤梨承諾為奴 湊公主老婆 __,

■啤梨昨日和圈外女友Michelle結婚,笑言第一次聽到別人叫他們做葉生葉太好感動。現年43歲的新城DJ葉文輝(啤梨),早前在facebook直播向圈 ...




現年43歲的新城DJ葉文輝(啤梨),早前在facebook直播向圈外女友Michelle求婚成功,昨日兩人在金鐘註冊,正式結為合法夫妻。啤梨親自設計婚戒套實愛情,老婆給他100分,兩人在婚禮上甜蜜咀嘴三次,啤梨發表愛的宣言:「今日開始太太成為我嘅公主,我可以做佢嘅工人!」

葉文輝曾做歌手,《I Believe》為其代表作,他跟圈外女友Michelle拍拖四年,今年7月,啤梨精心炮製在fb玩直播求婚,在鯉景灣海旁跪地送上兩卡鑽戒,更出動郵輪在船身用巨型LED燈打出「Michelle will U marry me」,女友感動答應下嫁。昨日兩人在金鐘婚姻註冊署進行註冊儀式,只有雙方至親和好友出席,十分溫馨。



■一對新人甜蜜咀嘴三次,幸福滿瀉。 ■啤梨自言好open,只要靚的話,不介意老婆性感。

心情興奮失眠

穿上粉色谷胸禮服的Michelle,雖然有毛毛披肩遮掩,但胸前偉大十分澎湃,新娘子怕醜不肯除披肩影相,一對新人連咀三次,甜蜜幸福。兩人註冊後受訪,啤梨開心地說:「今日心情好興奮,噚晚瞓唔着,要真正適應成為丈夫,比起之前做婚禮司儀,簡直係幻想唔到。今日好好天,所有嘢好順利,家人朋友都嚟到現場。」

啤梨透露親自設計婚戒,問到老婆身材好,是否不准她性感示人?啤梨說:「我個人好open,總之靚就得。」Michelle卻拒絕:「我個人好保守。」問到愛的宣言內容,啤梨坦言:「今日開始太太成為我嘅公主,之前就係BB,我可以做佢嘅工人,同埋第一次聽到人稱呼我哋葉生葉太,覺得好感動。」問到宣讀誓言時有否感動到喊?他說:「頭先我覺得自己開心多啲,反而有啲『kick』住,因為好緊張,但太太講得好好,好順暢。」他更取笑老婆:「太太係咪諗住同我拍住上做司儀搵食?」



■啤梨和Michelle註冊成為夫妻,透露本月中會到日本度蜜月。 ■今年7月,啤梨花盡心思在fb直播求婚。資料圖片 ■啤梨曾在樂壇頒獎禮上奪得不少獎項。資料圖片

調理身體生B

雖然昨日註冊,但兩人明年才擺酒,啤梨說:「因為想揀易啲記嘅日子,好似今日咁,12月3日4點,1234,所以擺酒都有啲壓力,日子方面要度度。」對於有提議選5678,5月6日結婚擺100圍,啤梨笑說:「呢個可以考慮。」本月中兩人會到日本度蜜月,他說:「到時去到停一停諗一諗,點樣玩得開心啲,因為兩公婆工作都好忙,要時間籌備,自己專登買咗三腳架學影靚相。」

問到旅程會否多個成員?啤梨笑說:「都好喎,有就開心都係順其自然,太太要調理身體。」追問是否已經造人成功,但未是時候公佈?他否認:「𠵱家未有,仲可以着窄身衫,我覺得太太係全世界最靚。」Michelle就對老公讚不絕口:「好好,100分。」記者笑那麼快給滿分,她才改口:「咁99分啦,有進步空間。」

採訪:卓寶花

攝影:仇志德




鍾意就快D Share啦!