網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月31日 星期日

家產分唔勻?馬嘉均失蹤嫲嫲未搵番 __,馬嘉均,

現實版《溏心風暴》?歌手馬嘉均(Mason)早前在社交網作出緊急尋人呼籲,指其87歲嫲嫲失蹤。Mason接受東網訪問時透露與嫲嫲仍然失去聯絡,懷疑她被 ...


現實版《溏心風暴》?


歌手馬嘉均(Mason)早前在社交網作出緊急尋人呼籲,指其87歲嫲嫲失蹤。Mason接受東網訪問時透露與嫲嫲仍然失去聯絡,懷疑她被親人帶走:「我哋聯絡唔到佢,依家都唔知佢喺邊。其實我哋已經分晒家,剩係我四叔未分,即係嫲嫲未將身家畀佢,有啲人就想攞埋我四叔嗰份,所以就將我嫲嫲收埋咗。」他坦言很擔心嫲嫲的情況,因為那些人從來沒照顧過嫲嫲:「試過帶佢出去係冇畀過嘢佢食,又逼佢攞錢,依家都有人攞咗阿嫲啲錢。」

Mason最近與許芯悅及黃榕等人為明年4月公演的舞台劇排練,飾演奸角的他慨嘆:「現實嘅人性仲恐怖過套劇,雖然呢啲都幫到我做戲,但我最希望嫲嫲可以快啲返嚟。依家天氣凍,好驚佢會有咩事。」他形容嫲嫲健康情況較差,失蹤前更患上了嚴重感冒:「咳得好犀利,我哋有帶佢睇醫生,但帶走佢嘅人就冇做過呢啲嘢,可想而知嫲嫲個情況會係點。依家嫲嫲嘅安全最緊要,希望嗰啲人唔好冇人性,繼續咁對嫲嫲。」問到會否親自找那些人?Mason指不知對方躲藏在何處。說到與嫲嫲的感情,他形容很好:「成日同佢飲茶,佢行路好慢、冇乜力,我會拖住佢行。佢係上海人,過時過節好鍾意包水餃畀我哋食,好好食㗎,我到依家都記得。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!