掃呢頁CODE去手機

2017年12月15日 星期五

【與車友余文樂疏遠】張智霖:我同沈嘉偉同郭富城都好好朋友! __,沈嘉偉,張智霖,郭富城,余文樂,

張智霖(ChiLam)同蔡雪瑩等今晚到香港文化中心,出席香港芭蕾舞團《胡桃夾子》開幕之夜,ChiLam話今日係嚟支持香港嘅藝術活動,佢話:「始終我都係 ...




張智霖(Chi Lam)同蔡雪瑩等今晚到香港文化中心,出席香港芭蕾舞團《胡桃夾子》開幕之夜,Chi Lam話今日係嚟支持香港嘅藝術活動,佢話:「始終我都係藝術工作者嘛。」依家啲小朋友兩三歲就要學跳舞彈琴博入學加分(依家就連彈鋼琴都已經「冇用」…)咁Chi Lam細個又要唔要呢?佢話:「唔使0架喎!主主要都係發呆同玩,咁嘅生活係幾開心嘅。」所以佢話都會「盡量為小朋友」——即係魔童爭取唔使學咁多嘢。

但靚靚袁詠儀點睇先?Chi Lam話:「靚靚就有第二個睇法,佢就要魔童學嘢,但我覺得都啱嘅,例如佢叫魔童學游水,呢個係求生技能,叫佢學都應該。」咁係咪平時一個扮黑臉一個扮白臉?Chi Lam笑笑口:「咁唔使,有啲嘢係佢笑笑口講嘅,有啲嘢係自然形成。」

好,講重點。有報道指城城、沈嘉偉同余文樂反面,身為佢哋common friend嘅Chi Lam話:「呢個我唔知喎,點解唔問當事人呢?我真係no comment喇。」咁係咪最近見少咗呢?Chi Lam稱:「我諗各有各忙」做朋友係咪都係少啲錢銀瓜葛好啲?「唔係呀!我同沈嘉偉同郭富城都仲好好朋友呀。」

其實日前余文樂結婚,都有記者問過Chi Lam點解唔去,佢就話:「知佢結婚,恭喜佢,希望佢有另一新階段。」似乎……



相關報道:

36歲余文樂娶皮帶千金 「終於進入人生另一階段」

http://bit.ly/2BAyVuG

【疑過橋抽板】兄弟情不再 余文樂同沈嘉偉因合作反目

http://bit.ly/2jV2wsk

攝影:仇志德 張智霖被問到城城、沈嘉偉同余文樂反面呢件事… Chi Lam話問番當事人。
佢又話同沈嘉偉同郭富城都仲好好朋友。 呢次係郭富城結婚。 呢張係早前余文樂結婚。
如何回到當時…(資料圖片)

鍾意就快D Share啦!