掃呢頁CODE去手機

2017年12月6日 星期三

一件頭晒靚股!龔嘉欣生日唔落水照搶鏡 __,嘉欣,龔嘉欣,鍾嘉欣,

龔嘉欣生日孖劉佩玥拍泳池戲,就算唔落水都一樣咁有睇頭喎!昨日(5日)踏入28歲生日的龔嘉欣正忙拍攝無綫新劇《堅離地愛堅離地》,雖然生日未能大肆慶祝,只 ...


龔嘉欣生日孖劉佩玥拍泳池戲,就算唔落水都一樣咁有睇頭喎!


昨日(5日)踏入28歲生日的龔嘉欣正忙拍攝無綫新劇《堅離地愛堅離地》,雖然生日未能大肆慶祝,只能在工作中度過,不過她一樣過得精采,與劉佩玥齊齊水着上陣拍攝泳池戲,龔嘉欣更大騷長腿、香肩及美股搶鏡,她表示:「曾經有諗過同『少婦聯盟』幾個好姊妹搞一個睡衣派對,不過最終都要開工,其實每年生日都喺工作中度過,都幾感恩,如果冇工開,我反而覺得唔自在!」

攞牌唔落水

生日撞正拍攝泳池戲,龔嘉欣笑言感覺非常難忘,因為她不諳水性:「入行以來都未試過拍落水戲,今次亦係第一次着泳裝拍劇,其實我唔識游水,為免阻礙拍攝進度,所以一早向導演申請免落水令,當係『生日禮物』。」雖然不用落水,但因為天氣轉冷,要穿上薄薄的水着裝束拍攝,龔嘉欣與劉佩玥都凍到震騰騰。

做足安全措施

拍攝期間,以一件頭泳裝上陣的龔嘉欣,自言為了今次拍攝,事前做足準備工夫,她說:「我覺得一件頭泳裝相對比堅尼更難着,因為會更顯露到身形,尤其係下身高衩三角骨位,好容易走光,要好小心處理,所以事前已經做足安全措施,貼咗好多膠紙以防萬一。」

獲送28個壽包

此外,現場有粉絲為龔嘉欣送上28個壽包,祝願她生日快樂,逗得龔嘉欣非當開心。她將壽包派給工作人員,一同分享,而問到她生日願望,她表示最希望可以安排一個family trip,跟所有家人一齊去旅行!

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!