掃呢頁CODE去手機

2017年12月28日 星期四

【狗仔出更】三姊妹殺入宅男勝地 黃心美:預咗瀨嘢! __,黃心美,

可能因為同馬國明蜜運中有關,黃心穎近排成為注目人物,繼日前有讀者報料話佢同埋馬明仲有二家姐心妙(Shelby)去咗商場玩飄雪(新聞連結:http:// ...




可能因為同馬國明蜜運中有關,黃心穎近排成為注目人物,繼日前有讀者報料話佢同埋馬明仲有二家姐心妙(Shelby)去咗商場玩飄雪(新聞連結: http://bit.ly/2l6Ezig )之後,貼地嘅嘢完全係浪接浪,前日心穎被影到佢現身深水埗嘅宅男勝地黃金商場,不過今次陪佢嘅唔係同馬明,而係同大家姐黃心美同三家姐黃心慧。

前日下晝3點半左右,佢哋一行3人喺油塘嘅屋企,坐的士直駛深水埗嘅黃金商場,可能佢哋唔係好認得啲路,所以佢哋落咗車之後,都有啲迷茫,行吓行吓先知道自己去錯咗地方,要望多幾望先搵啱條路。

話晒佢哋心穎同心美兩個都係幕前人,所以佢哋入到商場嘅時候,已經有唔少宅男眼望望,不過嗰陣佢哋都唔理得咁多,第一時間行咗去舖頭買嘢。原來佢哋係買Switch遊戲機,見到個職員好細心咁解釋兼且介紹啲game俾佢哋,結果佢哋好快就買咗部機同兩隻game,之後就齊齊坐的士返屋企。

事後心美話:「哈哈哈,咁都俾人影到,你哋真係好好彩,我哋三姊妹都好耐冇試過咁樣一齊出街,因為我哋夜晚同媽咪慶祝生日,三妹又諗住買份聖誕禮物送俾男友,所以我同心穎咪陪佢落去黄金買,之後再去買蛋糕囉,不過我都預咗瀨瀨哋嘢!」

而心穎回覆傳媒時話:「我本身都有問家姐,點解一定要落去買,查實呢部遊戲機好多地方有得賣喇,不過算喇,咪陪佢一齊去睇,之後咪去食飯。」講到現場有唔少人眼望望,心穎指:「我周不時有望吓,不過反而感覺好新鮮,雖然我細個好鍾意打機,但係好耐冇去呢啲電子商場,雖然間間賣嘅嘢都差唔多,不過總係逐間行,逐間睇!」

更多娛聞,喺晒《娛果》

http://fb.com/appledailyent

攝影:徐錦池、吳耀輝 黃家3美殺落深水埗 佢哋個樣好迷茫
直入舖頭買game

心穎好似興趣不大喎!
佢哋一落到去,即刻有唔少人眼望望!

買完遊戲機,夜晚就同媽咪慶祝生日。(IG圖片)

鍾意就快D Share啦!