掃呢頁CODE去手機

2017年12月15日 星期五

【主播唔憂嫁】周嘉儀戀上政協仔 駱文捷老公係總督察 __,駱文捷,周嘉儀,嘉儀,

蔡雪瑩上年同全國政協朱銘泉兒子、上市公司太子爺朱威霖(William)拉埋天窗,唔使兩年就宣佈又陀BB,30歲咋,就洋溢一陣溫馨幸福,普通人可能會羨慕 ...




蔡雪瑩上年同全國政協朱銘泉兒子、上市公司太子爺朱威霖(William)拉埋天窗,唔使兩年就宣佈又陀BB,30歲咋,就洋溢一陣溫馨幸福,普通人可能會羨慕啲,不過佢以前嘅同行,好多位都拍得住蔡雪瑩。

要數近年個個都識嘅女主播,一定係周嘉儀喇,佢喺離職之後都有喺facebook同大家講早晨。至於感情生活,上年佢就被發現同經民聯副主席、全國政協委員林健鋒之子林凱章拍拖,兩人被發現喺台灣蹺到實行街自拍。

林燕玲上年同金融才俊葉浩文嘅戀情曝光,兩人喺上個月結婚。現時已離開主枱嘅林燕玲喺林建岳嘅麗新集團傳訊部副總裁,同男友門當戶對,因為於於復星資本任職執行總經理,都係財經界嘅朋友。

天氣女郎黃婉曼都嫁到入豪門,同3年前同會計師老公馮柏基結婚,今年頭宣佈有喜,被影到搬入2000呎新居,俾一個孩子最好嘅家,而兩人嘅結晶品Kyra喺7月出世。除咗住嘅地方顯得出富貴,老公係馬主,黃婉曼都有隻團體馬「跳出香港」,不過今季參賽暫時3場,暫時未有一勝。

駱文捷係位靚女,不過大家識佢係因為將墨西哥城市瓜達拉哈拉講成「哥凸啦X拉」,今年4月佢就同總督察男友拉埋天窗,身份地位唔俾幾位前同事低,婚後駱文捷就離咗TVB,轉職做市場推廣及公關。

更多娛聞,喺晒《娛果》

http://fb.com/appledailyent



周嘉儀被目擊同林健鋒之子林凱章拍拖。(資料圖片) 黃婉曼都同會計師老公馮柏基結婚,年初搬入2000呎單位。
兩人囡囡Kyra已經喺7月出世。 林燕玲同金融才俊葉浩文拉埋天窗。 駱文捷老公係位總督察。



鍾意就快D Share啦!