網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月15日 星期五

爆大鑊!曹永廉買女人底褲 黎耀祥追個女 __,曹永廉,黎耀祥,

班「公公」互爆大鑊,唔知佢哋另一半有冇聽到滴汗呢?藝人黎耀祥、蕭正楠、曹永廉及黃浩然出席無綫節目《公公出埠》宣傳,祥仔透露自從無綫劇集《大太監》與眾男 ...


班「公公」互爆大鑊,唔知佢哋另一半有冇聽到滴汗呢?


藝人黎耀祥、蕭正楠、曹永廉及黃浩然出席無綫節目《公公出埠》宣傳,祥仔透露自從無綫劇集《大太監》與眾男成為好友,幾年間也想一起出埠,沒料公司安排了該節目,令眾人可免費旅遊,兼且藉住9日泰國布吉旅程,兄弟間亦感情加深。

唔提得翠如?

阿蕭踢爆阿廉旅程間從潮物至女人底褲也買給太太,不過阿蕭亦被兄弟爆屋企好亂。及後大會播放拍攝花絮,見祥仔一提起阿蕭女友黃翠如便被踢落水,場面惹笑。眾男於活動後接受訪問,被問到會否於節目內互爆秘密?祥仔謂:「喺傾偈環節入面講好多不為人知嘅嘢,大家會有興趣,好似講吓過去,大家對大家嘅睇法,或者過節咁。」當中亦有感性話題,祥仔更指也有受感動,阿蕭則謂:「有一part係closing食飯,有講吓大家優點,係冇意思,但亦有數吓對方,跟住會諗原來兄弟係咁睇自己。」而阿蕭被問到是否兄弟於節目內提及翠如便踢對方落水?他笑指當時進行遊戲環節,原定答錯才被踢落水,但眾人卻現得投入,答對與否也要齊落水。

阿廉益祥仔?

至於被指買底褲的阿廉,就自誇不一定買給太太,在旁的阿蕭即插嘴謂:「其實阿廉係想益黎耀祥,當晚喺夜市度,係買咗條短喱士裙畀祥嫂(黎耀祥太太)着,等佢追番個女嘅。」不過黎耀祥就笑指至今仍未收到。

黎耀祥等抱孫

談到今次之行,黎耀祥直言未夠盡興,由於有其他工作先行離隊,但未幾便掛念三位兄弟,他謂:「我平時好少拍劇離開大隊會掛住大家,今次真係掛住囉!(真係想追個女?)冇,佢哋亂噏,追多個唔掂,惟有等個仔快啲大,我抱孫!(仔拍拖?)唔知,美國山長水遠。」對於節目少了另一位兄弟陳國邦,黎耀祥指對方時間上難以配合,認為稍後總有機會合作。


來源 source: http://hk.on.cc
鍾意就快D Share啦!