掃呢頁CODE去手機

2017年12月15日 星期五

莊思明冇影!楊明投訴冇女友滋潤 __,莊思明,楊明,思明,

隔空耍花槍。被指「撞樣」的王浩信與楊明於新劇中培養出兄弟情,更與女將陳庭欣稱兄道弟。提到庭欣受女友莊思明所托照顧他,楊明即時投訴對方未有探班,直言恨飲 ...


隔空耍花槍。


被指「撞樣」的王浩信與楊明於新劇中培養出兄弟情,更與女將陳庭欣稱兄道弟。提到庭欣受女友莊思明所托照顧他,楊明即時投訴對方未有探班,直言恨飲住家湯!而浩信則預告在劇中有機會晒肌,要操弗力戰伍允龍!

打戲超搶Fo

藝人王浩信、楊明(Mat)、陳庭欣(Toby)與何君誠等,日前到位於錦田的貨櫃場拍槍戰戲,劇情講述飾演保鏢的Mat率領Toby與君誠保護浩信免被殺手所害,穿皮褸的Mat全程Chok到爆,輕易KO多名殺手,相當搶戲。

Toby起飛腳

演女保鏢的Toby透露已做好準備,隨時即場加動作戲:「知有動作戲會早啲瞓,到場會再拉拉筋!今次喺接近兩米高度跳上跳落,又要起腳踢武師,前後踢咗近廿次,勁唔好意思!」Toby深知身為動作演員好辛苦,因此特地準備湯水慰勞大家,問兩位拍檔的另一半有否探班?Toby笑言:「佢(楊明)好Dry呀!見我仲多過見Liza(女友莊思明)。」

Toby代照顧楊明

而Mat透露今次有機會揸真槍拍攝,提到他與浩信被指撞樣,Mat則說:「佢好鍾意講笑話引我笑,搞到我好易失場。」浩信則指大家都「大細路」。講到Toby受莊思明所托睇實Mat,他對女友未有探班似乎有微言:「係人又冇嚟探班,嘢飲又冇送嚟喎!(Toby煲湯慰勞你哋?)係呀!我都想有住家湯飲,一日一碗人都健康啲、開心啲」

戒口操肌

浩信因被追殺四處逃竄,提到慘被同場的Mat搶戲,他笑言:「我今日都算係最輕鬆嘅一場,今次套劇算少動作,但之後都要上擂台打。(晒肌?)梗係要,有伍允龍喎,同佢Battle吓!(食素影響體力同操肌?)唔會,反而成個人精神咗,皮膚仲好咗!之後仲要食番少啲,注意番蛋白質補充就冇問題。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!