網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月2日 星期六

十幾歲患皮膚癌 不時病發邵音音堅強抗癌 「多一日算一日」 __,邵音音,癌,

■現年67歲的邵音音昨日透露十多歲開始患皮膚癌,是天生遺傳。資料圖片現年67歲的一代艷星邵音音,原來患心臟病之餘更一直低調抗癌。前晚她出席一個為癌症病 ...




現年67歲的一代艷星邵音音,原來患心臟病之餘更一直低調抗癌。前晚她出席一個為癌症病人籌款的慈善晚宴時,忽然在台上自爆患癌。音音姐昨向本報透露十多歲時開始患皮膚癌,頸部做過多次手術,並不時發作,她分享經歷無非是想發放正能量,音音姐樂觀面對說:「人都要堅強生存,多一日算一日。」

去年因心絞痛被送院急救的邵音音,原來患心臟病之餘更飽受皮膚癌折磨。昨日阮兆祥主持商台《1圈圈》節目時,透露邵音音前晚出席一個慈善晚宴時有感而發分享經歷,自爆患癌,但不打算就醫,祥仔在節目內大讚音音姐十分專業,在場唱歌助興。祥仔事後透過商台公關回覆說:「吳麗珠搞嘅關於胃癌慈善晚宴,音音姐講感受時,簡單講咗幾句。」



■鍾淑慧夫婦前晚與邵音音自拍,聽到邵音音自爆患癌大感震驚。微博圖片 ■阮兆祥昨日在商台節目中,透露邵音音前晚在晚宴上分享患癌經歷。互聯網圖片 ■邵音音去年到內地登台時突感心臟不適被送院,更在房中慶生。

「係天生遺傳」

本報記者昨日致電音音姐了解,她說:「我細細個十幾歲就發覺生癌,周身都係,係天生遺傳。皮膚癌,我頸部做過好多次手術,後來身體又有心臟病。」可有接受治療?她說:「病咪去睇,不停發,𠵱家除咗個腦冇。」她謂多年來一直低調抗癌,因為不想被煩:「我想避免人關心,大家問我,變咗好奇,好似想我快啲死。病人係唔想講情況,病人想忘記佢係病人,想開開心心。病人需要休息,噚晚開始大家係咁打嚟問,我唔鍾意人哋問,人都要堅強生存,多一日算一日。」音音姐表示分享自己患癌經歷只是想向病人發送正能量:「我唔想不停答去滿足大家好奇,我要瞓覺,要熄電話。」

鍾淑慧前晚與老公吳岱融也有出席慈善晚宴,對於音音姐自揭患癌嚇一跳,鍾淑慧昨說:「我同吳生聽到佢咁講都好震驚,覺得佢好勇敢,好正面面對呢件事,佢落番台之後我哋都有叫佢保重,點知佢好似冇一回事咁完全冇嘢,真係好犀利。」



■邵音音是70年代艷星,不時以性感姿態示人。資料圖片 ■邵音音(左)多年來隱藏病情拍戲,圖為《沙膽英》劇照。 ■《低俗喜劇》的陳靜與杜汶澤對邵音音患癌表示關心,導演彭浩翔原來一早知情。資料圖片

彭浩翔一早知

導演彭浩翔跟音音姐先後合作《低俗喜劇》等電影,原來他一早知道音音姐患癌,彭浩翔昨日說:「音音姐有咗cancer好多年,當初識佢已經有,所以大家唔好過份驚訝先,一路有住呢個病,佢都叫我哋唔使特別安慰佢。」杜汶澤則謂:「我同音音姐合作咗好多部戲,我認識嘅音音姐係樂天知命、樂觀、大情大性嘅人,通常抗癌最緊要個人夠樂觀,心理好緊要,我覺得冇問題,音音姐應該好容易戰勝病魔。」

曾合作的陳靜對音音姐病情表示擔心,鄭中基亦大感愕然:「佢平時都好活潑,冇提過唔舒服,不過既然佢想靜靜哋,都要尊重番佢,希望佢有需要幫忙就出聲,唔好屈住,大家都好支持佢!」至於音音姐老友黃夏蕙原來不知情,夏蕙姨昨日說:「佢好口密冇講畀人聽,佢知講畀我一個人聽,全世界都知。抗癌要保持開心,佢咁開朗,呢啲濕濕碎,佢經得起有餘。」

採訪:陳杰、李森、魯吉




鍾意就快D Share啦!