楚原執導百部電影中井莉有很多部都參與演出，兩人感情很好。
邵氏一代女星井莉日前因病離世，享年72歲。井莉生前與著名導演楚原有多次合作，更是楚大導的御用女主角，在他執導的電影《流星蝴蝶劍》、《天涯明月刀》、《魔劍俠情》和《多情劍客無情劍》等大騷演技。
提到楚原一手捧紅井莉，中氣十足的楚原接受東網電話訪問時便直言可惜：「好陰功，依家嚟講佢好後生，先得72歲，我今年都84歲。（對上一次見佢係幾時？）冇見過佢好多年喇，起碼有成十年，自我離開邵氏轉去TVB，成個生活圈子都完全唔同咗。」
楚原在訪問中又盛讚井莉是好演員：「雖然佢好認真，但係每次合作都好輕鬆，喺片場大家永遠都有傾有講。（對佢最印象深刻係咩？）都係工作上嘅嘢，佢好好演技亦都好有氣質。（佢有冇談及過佢感情事？）冇講過呀，你知啦，電影圈比較講私隱，所以都唔方便問，淨係佢知有一對仔女，同埋佢老公係一個好愛藝術嘅人。」
來源 source: http://hk.on.cc
|
鍾意就快D Share啦！
|
|
|