掃呢頁CODE去手機

2017年12月13日 星期三

楊潮凱視帝上身鬧爆馮盈盈 麥明詩爆喊 __,盈盈,麥明詩,馮盈盈,楊潮凱,湯盈盈,

楊潮凱七情上面鬧爆馮盈盈,麥明詩仲喊喊豬,發生咩事?正所謂「同行如敵國」,娛樂圈競爭咁大,就算一班藝人唔鬥個你死我活,都好難保證佢哋互相之間有好交情。 ...


楊潮凱七情上面鬧爆馮盈盈,麥明詩仲喊喊豬,發生咩事?


正所謂「同行如敵國」,娛樂圈競爭咁大,就算一班藝人唔鬥個你死我活,都好難保證佢哋互相之間有好交情。不過作為「敬業樂業」嘅藝人,盡量唔會將不和擺上枱,大家都懂的!但點都估唔到馮盈盈同楊潮凱早前拍節目拍出火藥味,佢哋仲公然喺鏡頭前嘈交反面,咁大鑊點收科?!

無綫官方facebook專頁上載咗馮盈盈同楊潮凱拍攝節目《#後生仔傾吓偈》嘅花絮片段,見到佢哋兩個一開始已經有啲唔妥,討論關於前度嘅話題時火藥味勁濃,互相寸爆反駁對方。期間See See TVB專員就捧住蛋糕進入廠景,打算幫麥明詩慶生嚟轉移話題,但估唔到不和再升級,楊潮凱喺鏡頭前鬧爆馮盈盈,仲反問:「係咪要我發脾氣?」呢個時候馮盈盈忽然爆Seed,扔麥明詩個蛋糕落地再嬲爆爆走人,隨後楊潮凱都走出錄影廠,搞到麥明詩面有難色,相當尷尬,佢仲要對住個跌咗落地嘅蛋糕許願,搞到佢又笑又喊,都唔知點好!

喺呢個時候,Surprise!原來一切都係假㗎,為咗祝賀尋日26歲生日嘅麥明詩,馮盈盈同楊潮凱一早夾定整蠱壽星女,等對方有個驚喜又難忘嘅生日嚟個反高潮,但玩到咁大應該係「驚」多過「喜」,難怪已經喊緊嘅麥明詩知道真相後,受驚嘅佢再爆喊添,真係慘慘豬!一班網民紛紛留言呵番麥明詩,但亦有人將重點放喺馮盈盈身上,指佢交唔到戲,仲不時咬唇忍笑,表現唔夠專業。網民仲話好彩楊潮凱救番場戲,即席演技大爆發,七情上面爆Seed鬧馮盈盈,又難怪當時麥明詩冇懷疑,仲信到十足十。

Any肥,麥明詩生日快樂!

網民有話兒:

MikXXXY:喊到咁陰公(功)囉,哥哥呵番。

XXlixPoonTzXX:馮小姐今次我都唔幫你,堅係交唔到戲喎!

XXXryPang:蛋糕壯烈犧牲咗。

JackXXX:企喺馮盈盈後面個肥仔仲好戲過佢。

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!