網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年12月1日 星期五

排隊黨搶購 周杰倫個唱飛一小時內售罄 __,周杰倫,

周杰倫香港個唱門票於不到一個小時之內已經售罄。台灣天王周杰倫(周董)於2018年3月15至19及21日舉行6場演唱會《AXA安盛呈獻:周杰倫地表最強世 ...


周杰倫香港個唱門票於不到一個小時之內已經售罄。


台灣天王周杰倫(周董)於2018年3月15至19及21日舉行6場演唱會《AXA安盛呈獻:周杰倫地表最強世界巡迴演唱會Part 2-香港站》,門票今日公開發售。早上9時45分已經有逾30名歌迷喺尖沙咀通利琴行門外排隊買飛,但依然係疑似「排隊黨」嘅南亞裔人士佔頭位。

派籌上網最後衝刺

據悉,開售15分鐘大部分門票已經售罄,有粉絲9時半到達售票處,在櫃枱等候咗十分鐘買唔到飛便離開。去到10點20分,有工作人員向排隊人士表示門票已經售罄,但仍然會繼續派籌,畀排隊人士上網,每人入網址load五分鐘,爭取最後購票機會。

上次買黃牛飛貴四倍

白色衫戴眼鏡嘅龐先生接受訪問時表示:「屋企人幫自己排隊,喺早上七點幾八點已經到尖沙咀通利琴行門口,原本想買1,180蚊嘅門票已經售罄,所以只能夠退而求其次買780蚊嘅飛。」龐先生自言由周董出道開始已經支持周董,更自爆上一次嘅演唱會買黃牛飛先睇到:「上次買黃牛,四千幾蚊一張,買咗兩張,成四倍價錢,但好彩係第三行,不過今次買到都好少少。」

炒飛高達一萬蚊一張

至於戴眼鏡嘅陳小姐透露買唔到飛,加上排頭位嘅大部分都係南亞裔人士,所以本身都諗住買唔到飛,但照過嚟排隊博一博運氣。由第一隻專輯已經鍾意周董嘅陳小姐直言買唔到飛都會考慮買黃牛飛,而之前所有周董嘅演唱會都有睇,但全部都係買黃牛飛,她失望地說:「每次演唱會個價錢都係貴三倍,今次上網睇最貴嘅飛要去到一萬蚊一張,不過今次諗住放棄,次次都買唔到飛,就算其他演唱會都係,已經唔想再睇演唱會。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!