掃呢頁CODE去手機

2017年12月14日 星期四

【曾撐老公「我很信任他」】洪天明疑與辣妹尋歡 周家蔚與姊妹齊噤聲 __,家蔚,Spice Girls,辣妹,洪天明,天明,周家蔚,

周家蔚2013年1月為洪天明誕下一子,翌年6月已爆出緋聞,稱天明疑遭大陸模特兒杜顏嘉「出賣」,於社交網上貼上一張兩人「黐頭芒」相,帶醉天明被低胸索女箝 ...


周家蔚2013年1月為洪天明誕下一子,翌年6月已爆出緋聞,稱天明疑遭大陸模特兒杜顏嘉「出賣」,於社交網上貼上一張兩人「黐頭芒」相,帶醉天明被低胸索女箝到實;同年8月凌晨兩點半再有網民稱見到天明與一位穿着露背灰色背心嘅中女喺澳門碼頭拉扯,中女打扮雖然帶點土味,但露出大片「肉背」仍受注目。

事發後,洪天明馬上補飛,為老婆開P慶祝31歲生日,當時家蔚仲喺網上晒幸福話:「你(洪天明)是最好的!看到新聞寫你不好,我很不忿!在這裡同大家說,我是超級幸福的女人跟媽媽!我老公很愛我!我很信任他!他為我家付出太多了!這樣寫不公平!希望大家繼續支持他吧!」

不過,今日爆出洪天明疑於上周六喺上海新天地酒吧,同一個身材幾好嘅辣妹於夜店狂歡後轉場去咗日航飯店,手牽手搭電梯上酒店房過夜呢單嘢,天明只以短訊回覆傳媒表示"Funny. No reply la."至於周家蔚,至今都係未有回應。

至於周家蔚嘅七姊妹,亦咁啱……冇咩想講,微博都冇新嘢,反而係有啲網民肉緊豬豬,去周家蔚微博留言話;「你老公又出軌,心疼你」、「你老公又出軌,出軌對象比你醜啊!」、「出軌男,只有0次和無數次。」等等等等,周家蔚都冇回應。

曾經在電視訪問中自爆因偷食,導致第一段婚姻維持14年便告裂嘅洪金寶,坦言「男人都有呢啲壞習慣。」又謂:「呢14年都幾乎日嘈夜嘈,係我經常去媾女,成班武師都會去跳舞飲酒,晚晚夜返,老婆實嘈,最後大家都覺得冇意思就分開咗!」洪天明大個仔,應該識諗,但男人成日都要應酬嘅,睇佢之前北上食個lunch都俾人咁樣樣集郵,係主動定被動唔知啦,但做得人夫又係公眾人物,凡事要三思囉。


鍾意就快D Share啦!